12.04.2022

türkiye awazi radiyosi: «sabah géziti»,  pakistanning 23-nöwetlik bash ministirliqigha saylanghan shahbaz sherifning, türkiye bilen pakistanning mustehkem munasiwetlirining barliqini bildürüp, enqerening her daim islamabadni qollighanliqini éytqanliqini xewer qildi.

«yéngi shepeq géziti», énérgiye we tebiiy bayliqlar minstiri fatih dönmezning, türkiyening éléktir küchining 100 ming mégawatqa yetkenlikini bildürgenlikini xewer qildi.

«xeber türk géziti», türkiyening  yawropa ittipaqi döletlirige bolghan éksportining, bu yilning (2022) deslepki charikide 2021-yilning oxshash mezgilidikige sélishturulghanda %21 éship 23 milyard 780 milyon 323 ming dollargha yetkenlikini xewer qildi.

xewerde, yawropa ittipaqigha eza döletlerge ret boyiche aptomobil sanaiti, teyyar kiyim-kéchek we toqumichiliq, ximiyelik maddilar we mehsulatlar, tömür, tömür sirtidiki métallar we polat mehsulatlirining eng köp éksport qilinghanliqi bildürüldi.

«star géziti», türkiye déngiz armiye qomandanliq ishtabining 122 paraxot, 41 ayropilan qatnashturulidighan؛ ege déngizi, qara déngiz we sherqiy aqdéngizda birla waqitta ötküzülidighan, «2022-mawi weten» manéwirining ötküzülidighanliqini élan qilghanliqini xewer qildi.

xewerde, 12 ming esker qatnishidighan manéwirning milliy qoral-yaragh we sistémilar ishlitilgendin bashqa, nurghun «tunji» largha sehne bolidighanliqi qeyt qilindi.