11.04.2022

türkiye awazi radiyosi: «hörriyet» géziti: «jumhur reis erdoghan karl néxammér bilen körüshti» serlewhilik xewiride, jumhur reis rejep tayyip erdoghanning tünügün awstriye bash ministiri karl néxammér bilen téléfonliship, türkiye - awstriye munasiwetlirini yaxshilashning qedem basquchliri we rusiye - ukraina urushini öz ichige alghan rayonluq mesililer toghrisida pikir almashturghanliqi toghrisidiki uchurlarni oqurmenlirining diqqitige sundi.

«star» géziti: «chawushoghlu ezerbeyjan we türkmenistanliq mensepdashliri bilen téléfonlashti» serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghluning tünügün ezerbeyjan tashqi ishlar ministiri jeyhun bayramow we türkmenistan tashqi ishlar ministiri rashid memedow  bilen téléfonliship, türkiye – ezerbeyjan - türkmenistan üch terep özara ziyaret pilanliri üstide sözleshkenlikini yazdi.

«yéngi shepeq» géziti: «bingölde térrorluqqa zerbe bérish herikiti (élip bérildi)» serlewhilik xewiride, bingölning gench nahiyeside bölgünchi térrorluq teshkilati p k k gha qarshi élip bérilghan «eren qish-6» namliq zerbe bérish herikiti jeryanida térrorchilar teripidin ishlitiliwatqan alte éghizliq bir panahlinish orni bilen nurghun nerse – kéreklerning yoqitip tashlanghanliqi toghrisidiki uchurlargha orun berdi.

«sabah» géziti: «türkiyening éksporti ashti» serlewhilik xewiride, türkiyening éksportining 2022- yili 1- aydin 3 - ayghiche bolghan jeryanda %20.8 éship, 60 milyard 288 milyon dollargha yetkenlikini yazdi.

«xabertürk» géziti: «fenerbahche (komandisi) yawropa ikkinchisi (boldi)» serlewhilik xewiride, fenerbahche safiport komandisining, xelqara waskétbol birleshmisining yawropa ayallar longqisini talishish hel qilghuch musabiqiside sopron komandisigha 60 qa qarshi 55 netije bilen yéngilip qélip, ikkinchi bolghanliqini yazdi.