23.03.2022
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹höriyet› géziti», «jumhur reis erdoghan diplomatiyening nahayiti zor ehmiyetke ige ikenlikini tekitlidi» serlewhilik xewiride, töwendiki melumatlarni oqurmenlirining diqqitige sundi:
jumhur reis rejep tayyip erdoghan, tünügün élan qilghan bayanatida, rusiye – ukraina urushini axirlashturushning birdinbir yolining diplomatiye ikenlikini tekitlidi.
«‹xewer türk› géziti», «tashqi ishlar ministiri mewlüt chawushoghlu islam dunyasini bir gewdilishishke chaqirdi» serlewhilik xewiride, munu uchurlargha orun ajratti:
tashqi ishlar ministiri mewlüt chawushoghlu, tünügün islam hemkarliq teshkilatining 48 – nöwetlik tashqi ishlar ministirliri kéngishi yighinida qilghan sözide, «islam ümmiti bolush süpitimiz bilen bir gewdige aylansaq, biz duch kélidighan herqandaq bir qiyin ötkeldin choqum muweppeqiyetlik halda öteleymiz» dédi.
«‹star› géziti», «tunji qétim ministir aqar atqan yerlik torpido sistémisi del nishangha tegdi» serlewhilik xewiride, töwendiki uchurlarni oqurmenlirining diqqitige sundi:
milliy imkaniyetlerdin paydilinip ishlepchiqirilghan yerlik «AKYA» torpido sistémisini, TCG Preveze din milliy étish sistémisi «müren» arqiliq tünügün tunji qétim heqiqiy nishangha étish ishqa ashuruldi. tunji qétim dölet mudapie ministiri xulusi aqar ishletken yerlik sistéma del nishangha tegdi.
«‹sabah› géziti», «‹yawuz› namliq burghilash paraxoti 4 – aprél küni nahayiti halqiliq wezipe ötesh üchün yolgha chiqidu» serlewhilik xewiride, munu uchurlarni oqurmenlirining diqqitige sundi:
énérgiye we tebiiy bayliqlar ministiri fatih dönmez, «yawuz» namliq burghilash paraxotining 4 – aprél küni qaradéngizda nahayiti muhim bir wezipini ijra qilish üchün yolgha chiqidighanliqini uqturdi.
«‹yéngi shepeq› géziti», «türkiye bu yilning deslepki ikki éyi ichide 36 döletke hesel éksport qildi» serlewhilik xewiride, türkiyedin bu yil yanwar – féwral aylirida 36 döletke 7 milyon 131 ming 895 dollarliq hesel éksport qilinghanliqini oqurmenlirining diqqitige sundi.
