22.03.2022

türkiye awazi radiyosi: «hörriyet géziti», jumhur reislik sariyi bayanatchisi ibrahim kalinning, rusiye bilen ukraina otturisidiki urush üstide toxtilip: «bu urushta ghelbe qilghan bolmaydu. dunyaning 2-3 qétim soghuq urushni kötüreleydighan ehwali yoq» dégenlikini xewer qildi.

xewerde, ibrahim kalinning türkiyening urushni toxtitish üchün zor tirishchanliq körsitiwatqanliqini eskertip: «biz hem rusiye hemde ukraina bilen yéqin alaqe qilip, tirishchanliqlirimizni dawamlashturimiz» dégenliki bildürüldi.

«star géziti», italiye tashqi ishlar ministiri luyji dimayuning türkiyening ukraina-rusiye urushini toxtitish üchün körsitiwatqan diplomatiye tirishchanliqlirini toluq qollaydighanliqlirini éytqanliqini xewer qildi.

«xeber türk géziti», sanaet we téxnologiye minstiri mustafa warankning, 47 neper türkni öz ichige alghan 63 yéngi tetqiqatchining tetqiqatlirini türkiyede dawamlashturidighanliqini éytqanliqini xewer qildi.

xewerde, ministir mustafa warankning, «buning bilen, dölitimizning bilim we yéngiliq yaritish ékosistémisini téximu küchlendürimiz» dégenliki qeyt qilindi.

«weten géziti»,  tünügün (21-mart) qatar paytexti dohada bashlanghan xelqara déngiz mudapie yermenkisi we konféransigha, türkiye mudapie sanaiti sahesidin 32 shirketning qatniship, mehsulatlirini körgezme qiliwatqanliqini xewer qildi.

bildürülishiche, yermenke üch kün dawamlishidighan bolup, 20 dölettin kelgen 200 din artuq shirket qatnashqan.

«yéngi shepeq géziti», yawropa tenterbiye paytextliri we sheherliri fédératsiyesi (ACES Europe)  ning  konya shehirini 2023-yilliq «dunya tenterbiye paytexti» dep élan qilghanliqini xewer qildi.