21.03.2022

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1799176
21.03.2022

türkiye awazi radiyosi: «weten» géziti: «erdoghan nato bashliqlar yighinigha qatnishidu» serlewhilik xewiride, türkiyening, rusiye bilen ukrainaning tinchliqigha kapaletlik qilish üchün diplomatik xizmetlirini kücheytkenliki؛ jumhur reis rejep tayyip erdoghanning bu dairide 24 – martta bélgyening paytexti biryussélgha bérip, shimaliy atlantik ehdi teshkilati – natoning urush bashlanghandin buyanqi özgirishler muhakime qilinidighan bashliqlar yighinigha ishtirak qilidighanliqi toghrisidiki uchurlargha orun berdi.

«hörriyet» géziti: «chawushoghlu: terepler kélishim hasil qilishqa yéqinlashti (dédi)» serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghluning, rusiye bilen ukrainaning özara oq chiqirishni toxtitishqa munasiwetlik bezi konkrét mesililer toghrisidiki söhbetlerni dawamlashturuwatqanliqini tilgha élip: «biz tereplerning négizlik mesililer toghrisida kélishim hasil qilishqa yéqinlashqanliqini körüwatimiz. puqralar ölüwatqan ehwal astida kélishim hasil qilish asan emes. shundaqtimu ilgirilesh hasil qilindi» dégenlikini yazdi.

«yéngi shepeq» géziti: «hemme bayraqtar üchün ishlengen naxsha heqqide sözlishiwatidu» serlewhilik xewiride, rusiye armiyesige éghir zerbe bergen Bayraktar TB2 ning ukrainaliqlarning «urush qehrimani» gha aylanghanliqini, ukrainadiki pénsiyege chiqqan muzikant taras borowak ijad qilghan naxshining kishilerning éghizidin chüshmeywatqanliqini yazdi.

«star» géziti: «türkiyening tarixiy rékorti» serlewhilik xewiride, türkiye eng chong baziri bolghan gérmaniyege mehsulat éksport qilish rékortini buzushni dawamlashturuwatqanliqini؛ türkiyening gérmaniyege qilghan éksportining féwral éyida bulturqining oxshash mezgilige sélishturghanda %21.4 éship  1 milyard 644 milyon 24 ming dollargha yetkenliki hemde yéngi rékort  yaratqanliqi toghrisidiki uchurlarni oqurmenlirining diqqitige sundi.

«sabah» géziti: «amérikaning eng dangliq mukapati bir türkke bérildi» serlewhilik xewiride, amérikadiki dangliq pisa zenjirining xojayini haqqi aqdenizning amérikaning eng dangliq mukapatlarning biri bolghan nur nuqtisi mukapatigha érishkenlikini yazdi.


خەتكۈچ: #uyghurche , #gézit , #metbuat , #türkiye

مۇناسىۋەتلىك خەۋەرلەر