18.03.2022

türkiye awazi radiyosi: «sabah» géziti: «erdoghan putin bilen téléfon söhbiti ötküzdi» serlewhilik xewiride, jumhur reis rejep tayyip erdoghanning rusiye prézidénti wladimir putin bilen téléfonliship, bezi mesililerde ortaq tonush hasil qilishning rehberlik qatlimi derijilik söhbet ötküzüshni telep qilidighanliqini otturigha qoyghanliqigha hemde putin bilen ukraina pirézidénti wolodimir zélénskiyni istanbul yaki enqerede kütüwélish teklipini qayta tekitligenlikige dair uchurlargha orun berdi.

«hörriyet» géziti: «chawushoghlu: urush toxtitishqa bolghan ümidimiz kücheydi (dédi)» serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghluning moskwa ziyaritidin kéyin ukrainaning lwiw shehirige bérip tashqi ishlar ministiri dimitro kuléba bilen körüshkenlikini yazdi.

gézitning xewiride körsitilishiche, ministir chawushoghlu mezkur ikki dölet ziyaritidin kéyin bayanat bérip, urush toxtitishqa dair ümidlerning kücheygenlikini bildürgen.

«star» géziti: «kuléba: jasaritingiz türkiyening aktip küch ikenlikini ispatlaydu (dédi)» serlewhilik xewiride, türkiyeni rusiye – ukraina urushini hel qilishni kapaletlendüridighan döletler qatarida körüshni xalaydighanliqini bildürgen ukraina tashqi ishlar ministiri dimitro kulébaning, ministir chawushoghlugha minnetdarliqini ipadilep: «iradingiz, jasaritingiz hemde biwasite ziyaret qilishingiz, türkiyening aktip küch (aktiyor) ikenlikini ispatlaydu» dégenlikige dair uchurlargha orun berdi.

«yéngi shepeq» géziti: «türkler topliship yashaydighan jaylarda aile wakaletxaniliri échilidu» serlewhilik xewiride, (türkiye jumhuriyiti) aile we ijtimaiy xizmetler ministiri derya yanikning, chet ellerdiki, bolupmu yawropadiki türkler topluqining balilargha igidarchiliq qilish mesilisige duch kelgenlikini bayan qilip: «biz türk topluqi yashighan hemmila yerde aile wakaletxaniliri échishni xalaymiz» dégenlikini yazdi.

«xabertürk» géziti: «dunya sehiye teshkilati türkiyening musapirlar salametliki  siyasitige yuqiri baha berdi» serlewhilik xewiride, dunya sehiye teshkilati yawropa rayoni diréktori doktor xens klugéning, yawropa rayoni köchmenler we saghlamliq mesilisi yuqiri derijilikler yighini üchün istanbulni tallishidiki sewebning, türkiyening barliq musapirlargha ayrip, perqlendürüp olturmastin barawer shekilde sehiye mulazimiti sunghanliqi ikenlikini otturigha qoyghanliqini oqurmenliri bilen ortaqlashti.