17.03.2022
bügünki türkiye gézitliride asasiy salmaqni igiligen xewerlirimiz töwendikiche:
«‹sabah› géziti», «erdoghan birleshme muxbirlarni kütüwélish yighinida: <24-martta tarixiy ehmiyetke ige uchrishish ötküzimiz> dédi» serlewhilik xewiride, munu uchurlargha orun ajratti:
jumhur reis rejep tayyip erdoghan tünügün paytext enqerede polsha pirézidénti andréjéj duda bilen ötküzgen muxbirlarni kütüwélish yighinida, özining 24-mart bélgiyening paytexti biryussélda ötküzülidighan shimaliy atlantik ehdi teshkilati rehberliri yighinigha qatnishidighanliqini we bashliqlar yighinida rusiye - ukraina otturisidiki basquchlarni muzakirilishidighanliqini bildürdi.
«‹xewer türk› géziti», «chawushoghlu rusiyelik mensepdishi lawrow bilen körüshti» serlewhilik xewiride, tashqi ishlar ministiri mewlut chawushoghluning tünügün rusiyelik mensepdishi sérgéy lawrow bilen körüshkenlikini we mariopolda tarqaqlashturush xizmitining dawamlishiwatqanliqini tekitlep, hazirghiche 15 mingdin artuq türkiye puqrasining tarqaqlashturulghanliqini éyttqanliqini yazdi
«‹weten› géziti», «ministir aqar kanada dölet mudapie ministiri bilen körüshti» serlewhilik xewiride, dölet mudapie ministiri xulusi aqarning tünügün bélgiyening paytexti biryusséldiki shimaliy atlantik ehdi teshkilati bash ishtabida kanada dölet mudapie ministiri anita anand bilen körüshkenlikini, uchrishishta özara we rayon xaraktérliq mudapie shundaqla bixeterlik we mudapie sanaitidiki hemkarliq toghrisida pikir almashturghanliqini yazdi.
«‹yéngi shepeq› géziti», «ministir donmez: <2030-yili yollirimizda texminen bir milyon éléktironluq yaki arilashma matorluq aptomobillarni körimiz> dédi» serlewhilik xewiride, munu uchurlargha orun ajratti:
énérgiye we tebiiy bayliqlar ministiri fatih donmez tünügün élan qilghan bayanatida, «2030-yili texminen 1 milyon éléktironluq yaki arilashma matorluq aptomobillar türkiyening yollirida bolidu.buning üchün ul eslihelerni kücheytish kérek» dédi.
«‹star› géziti», «yerlik waksina türkowaktin pexirlendürgüch muweppeqiyet» serlewhilik xewiride, munu uchurlargha orun ajratti:
kowid-19 gha qarshi yerlik waksina ishlepchiqarghan erjiyés unwérsititi waksina tetqiq qilish we tereqqiy qildurush merkizining mudiri proféssor aykut özdarendeli türkowak waksinisining kowid-19 ning omikron waryantigha qarshi zor derijide qoghdash iqtidarigha ige ikenliki éniqlanghanliqini éytti.
