16.03.2022
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹xewer türk› géziti», «erdoghan <türkiye barliq terepler bilen muzakire élip baralaydighan bir dölet> dédi» serlewhilik xewiride, töwendiki melumatlarni oqurmenlirining diqqitige sundi:
jumhur reis rejep tayyip erdoghan, türkiyening chégra liniyelirining sirtidimu ishench, huzur we ümidning simwoligha aylanghanliqini tekitlep mundaq dédi: «türkiye bolush süpitimiz bilen, insaniy we siyasiy munasiwetlerni aqsitip qoymastin barliq terepler bilen muzakire élip baralaydighan döletlerdin birimiz.»
«‹höriyet› géziti», «erdoghan, <diplomatiyede merkiziy dölet türkiyedur> dédi» serlewhilik xewiride, munu uchurlargha orun ajratti:
jumhur reis rejep tayyip erdoghan, rusiye – ukraina otturisida urush toxtitish kélishimi hasil qilinishi yolida qoyuq diplomatik paaliyetlerni élip bériwatqanliqlirini, buningdin kéyinmu shundaq qilidighanliqlirini eskertish bilen bir waqitta, türkiyening diplomatiye mesilisidimu merkiziy dölet bolush alahidilikini jari qilduruwatqanliqini tekitlidi.
«‹star› géziti», «sigmar gabriél gherbni <wetenperwer> namliq bashqurulidighan bomba mesilisi toghruluq tenqid qildi» serlewhilik xewiride, munu uchurlarni oqurmenlirining diqqitige sundi:
gérmaniyening sabiq tashqi ishlar ministiri sigmal gabriél, türkiyege <wetenperwer> namliq bashqurulidighan bomba hawa mudapie sistémilirining bérelmesliki mesiliside gherbni tenqid qildi.
u, <wetenperwer> namliq bashqurulidighan bomba hawa mudapie sistémilirining türkiyege bérilmeslikining toghra emeslikini tekitlep mundaq dédi: «shimaliy atlantik ehdi teshkilatining özining bir ittipaqdishini bashqurulidighan bomba hawa mudapie sistémiliri bilen teminlimestiktimu chong xataliq bolamdu? derweqe, natoning bundaq qilishi özige nisbeten tolimu ziyanliq bir ishtur.»
«‹yéngi shepeq› géziti», «türkiye – gérmaniye otturisida 5 sahede hemkarliq ornitilidu» serlewhilik xewiride, töwendiki melumatlargha orun ajratti:
türkiye bilen gérmaniye otturisida 50 milyard dollarliq soda nishanigha yétish yolida heriketke ötüldi. bu dairide, sijil énérgiye, kilimat özgirishige qarshi küresh, yéshil tereqqiyat, süniy eqil we digitallishish qatarliq 5 sahe boyiche hemkarliq asasida özara qedem tashlinidu.
«‹weten› géziti», «erméniye türkiye bilen bolghan chégra éghizlirini échishqa teyyar ikenlikini bildürdi» serlewhilik xewiride, töwendiki melumatlarni oqurmenlirining diqqitige sundi:
tashqi ishlar ministiri mewlüt chawushoghlu, aldinqi hepte antalyada chaqirilghan «antalya diplomatiye munbiri» yighini dairiside erméniye diplomatiye ministiri ararat mirzoyan bilen bir yerge jem bolghan we uchrishishning muweppeqiyetlik ötkenlikini jakarlighanidi.
erméniye tashqi ishlar ministirliqi, ériwan hökümitining türkiye bilen diplomatik munasiwet ornitish we chégra éghizlirini échishqa teyyar ikenlikini uqturdi.
