10.03.2022

«‹xewer türk› géziti», «türkiye-israiliye munasiwitide tarixi purset» serlewhilik xewiride, munu uchurlargha orun ajratti:

jumhur reis rejep tayyip erdoghan israiliye prézidénti ishaq hérzog bilen birlikte ötküzgen muxbirlarni kütüwélish yighinida, «bu uchrishish ikki dölet munasiwitining burulush nuqtisi» dédi we rayondiki weqelerning énérgiye bixeterlikining qanchilik muhimliqini otturigha chiqarghanliqini tekitlep, «énérgiye hemkarliqini qaytidin ishqa ashurush üchün bu bir pursettur» dégenlerni sözlirige ilawe qildi.

«‹yéngi shepeq› géziti», «erdoghan: <biz mesjidi eqsaning diniy kimlikige qanchilik ehmiyet béridighanliqimizni tekitliduq> dédi» serlewhilik xewiride, munu uchurlargha orun ajratti:.

jumhur reis rejep tayyip erdoghan israiliye pirézidénti hérzog bilen ötküzgen uchrishishida, türkiyening pelestinge bolghan sezgürlükini tekitligenlikini bildürüp, «rayondiki jiddiychilikni peseytishke we ikki döletlik hel qilish tesewwurigha ehmiyet bergenlikimizni ipadiliduq. biz mesjidi eqsaning diniy kimliki we muqeddeslikige qanchilik ehmiyet béridighanliqimizni tekitliduq» dédi.

«‹höriyet› géziti», «erdoghan léyén bilen körüshti» serlewhilik xewiride, jumhur reis erdoghanning yawropa ittipaqi komitéti reisi ursula won dér léyén bilen téléfonda körüshkenlikini we söhbette rusiyening ukrainagha qaratqan hujumi we türkiye-yawropa munasiwetlirini muzakirileshkenlikini yazdi.

«‹star› géziti», «nigériyedin türkiyege néfit we tebiiy gaz teklipi» serlewhilik xewiride,  nigériye néfit ishliri ministiri timpré silwaning türkiyeni nigériye chong quruqluqidiki néfit we tebiiy gaz bayliqigha meblegh sélishqa chaqirghanliqini we nigériyening hidro karbon sahesining téximu köp türklerning meblegh sélishigha ochuq ikenlikini bildürgenlikini yazdi.

«‹sabah› géziti», «rusiye-ukraina urushi sewebidin iqtisadiy tedbirler yolgha qoyulmaqta» serlewhilik xewiride, munu uchurlargha orun ajratti:

jumhur reislik külliyeside iqtisadni maslashturush komitéti yighini chaqirildi. rusiye - ukraina urushining iqtisadqa körsitidighan tesirini azaytish üchün qollinilidighan tedbirler közdin köchürüldi. buninggha asasen énérgiye bahasining ösüshige qarshi döletning bashlighan heriketliri bilen birlikte menbe we bazarning köp xillishishi yolgha qoyulidighan boldi. danliq ziraetler we mayliq uruqlar qatarliq yémeklik we xam eshya bilen teminleshning sijilliqi üchün ishlepchiqirish basquchidin dölet ichi sétish we tashqi sodighiche bolghan barliq soda basquchlirida puqralargha paydiliq tedbirler yolgha qoyulidighan boldi.