09.03.2022

türkiye awazi radiyosi: «xeber türk géziti»,  türkiye dölet mudapie ministiri hulusi akarning tünügün (2022-yili 8-mart) rusiye dölet mudapie ministiri sérgéy shoygu bilen téléfonda körüshkenlikini xewer qildi.

xewerde, hulusi akarning hazirqi weziyet sewebidin rusiye portlirida saqlap turuwatqan soda paraxotlirining türkiyege bixeter yétip kélishi üchün yardem kütüwatqanliqlirini tilgha alghanliqi qeyt qilindi.

«sabah géziti», tashqi ishlar ministiri mewlüt chawushoghluning tünügün türkiyege qarap yolgha chiqqan 699 kishi bilen, ukrainadin jemiy tarqaqlashturulghan türkiye puqraliri sanining 13 ming 120 ge chiqqanliqini élan qilghanliqini xewer qildi.

«hörriyet géziti», bayraktar téxnologiye shirkitining mesuli selchuk bayraktarning uchquchisiz hawa urush ayropilanining tunji modélining birinchi qétimliq uchushini, kéler yili (2023) emelge ashurushni nishan qilghanliqlirini éytqanliqini xewer qildi.

«weten géziti», sanaet we téxnologiye ministiri mustafa warank tünügün bayanat élan qilip: «türkiye iqtisadini ishlepchiqirish bilen ashurimiz. inshaallah aldimizdiki mezgilde dunyadiki eng chong 10 iqtisadiy dölet arisigha kirishte muweppeqiyet qazinimiz» dégenlikini xewer qildi.

«yéngi shepeq géziti», türkiyede 2022-yili yanwar éyidin féwral éyighiche ayropilanda seper qilghan yoluchilar sanining 18 milyondin éship ketkenlikini xewer qildi.