03.03.2022

türkiye awazi radiyosi: «star» géziti: «chelik : türkiye diplomatik nuqtidin achquchluq dölet (dédi)» serlewhilik xewiride, adalet we tereqqiyat partiyesi bayanatchisi ömer chelikning bayanat bérip: «ukrainagha qilinghan hujum adaletsiz we qanunsizdur. jumhur reisimiz ukraina kirizisini (hel qilish chariliri üsitide) izdiniwatidu. urush toxtitishni kapaletke ige qilish söhbetliri dawamlashmaqta. türkiye diplomatik nuqtidin achquchluq dölet» dégenlikini yazdi.

«yéngi shepeq» géziti: türkiye hawa yolliri shirkiti ukrainadiki türkiye puqralirini tarqaqlashturush üchün qatnaydighanliqini uqturdi» serlewhilik xewiride, ukraina hawa teweliki taqilip qalghanliqi üchün, quruqluq yoli bilen rominiyening paytexti buxaréstqa élip kélingen türkiye puqralirining türkiye hawa yolliri shirkitining tarqaqlashturush ayropilanliri bilen türkiyege élip kélinidighanliqining uqturulghanliqi toghrisidiki uchurlarni oqurmenlirining diqqitige sundi.

«hörriyet» géziti: «ukrainaliq yawropa naxsha – ussul musabiqisi chémpiyoni jamala türkiyege rehmet éytti» serlewhilik xewiride, 2016 - yili Eurovision (yawropa – naxsha ussul)mukapatigha érishken qirim türki naxshichi jamalaning ikki balisi bilen birlikte ukrainadin istanbulgha kélip, türkiyege panahlanghanliqini, muxbirlargha bergen bayanati jeryanida jumhur reis rejep tayyip erdoghangha rehmet éytip: «türkler bizni qutuldurdi, istanbuldin rominiye chégrasighiche bérip, bizni bixeter halda istanbulgha élip keldi» dégenlikini yazdi.

«sabah» géziti: «chawushoghlu: süriyeliklerning qaytishi üchün birlikte tirishchanliq körsitiwatimiz (dédi)» serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghluning, iyordaniye muawin bash ministiri, qoshumche tashqi ishlar we chet ellerdiki iordaniyelikler ishlirigha mesul ministiri eymen sefedi bilen körüshkendin kéyin bayanat bérip: «süriyeliklerning öz ixtiyarliqi bilen bixeter halda suriyege qaytip kétishi üchün birlikte tirishchanliq körsitiwatimiz. bu heqtiki ministirlar derijilik bir yighingha sahibxanliq qilishni xalaymiz» dégenlikini yazdi.

«weten» géziti: «ministir mush: tarixtiki eng yuqiri (körsetküch dédi)» serlewhilik xewiride, türkiye soda ministiri mehmet mushning: «éksportimiz bultur 2 - aygha sélishturghanda %25.4 éship, 20 milyard dollargha yetti. bu féwral éyigha alaqidar tarixtiki eng yuqiri éksport körsetküchi» dégen sözlirige orun berdi.