02.03.2022

türkiye awazi radiyosi: «hörriyet géziti», türkiye jumhur reisi rejep tayyip erdoghanning tünügün (2022-yili 1-mart) kosowu pirézidénti wzhosa osmani sadriyu bilen ötküzülgen axbarat élan qilish yighinida, yawropa ittipaqining ukrainaning ezaliqi üchün körsetken sezgürlükini türkiye üchünmu körsitishi kéreklikini éytqanliqini xewer qildi.

«star géziti»,  türkiyede dölet ishliri ziyaritide boluwatqan kosowu pirézidénti wzhosa osmani sadriyuning, «ukrainadiki weqelerni körginimizde tebiiy halda kosowuning natogha eza bolush waqtining yétip kelgenliki eqlimizge kélidu. türkiyening natodiki roli intayin muhim. shunga, jumhur reis rejep tayyip erdoghangha bu mesilidiki yardimi üchün teshekkür éytishni xalaymen» dégenlikini xewer qildi.

«sabah géziti», jumhur reis rejep tayyip erdoghanning tünügün gollandiye bash ministiri mark rutté we awstiriye pirézidénti fondér béllén bilen téléfonda körüshkenlikini xewer qildi.

xewerde, rejep tayyip erdoghanning ukraina-rusiye otturisida urush toxtitishni emelge ashurush üchün dawamliq tirishchanliq körsitidighanliqlirini eskertip, ukrainaning igilik hoquqi we zémin pütünlükini qollashni dawamlashturidighanliqlirini éytqanliqi qeyt qilindi.

«xeber türk géziti», türkiye dölet mudapie ministiri hulusi akarning, «montrö kélishimini qoghdashning paydisini körüwatimiz. bu ramkidiki tirishchanliqlirimizni dawamlashturimiz. bügüngiche qilghinimizgha oxshash, montrö boghuzlar kélishimining 19-20- we 21- maddilirini ijra qilishnimu dawamlashturimiz» dégenlikini xewer qildi.

«weten géziti», 2022-yili féwral éyida antalyagha kelgen sayahetchiler sanining 2021-yilning oxshash mezgilidikige sélishturulghanda %211 éship 150 ming 386 ge yetkenlikini xewer qildi.

xewerde, féwral éyida eng köp sayahetchi gérmaniyedin kelgen bolup, 30 ming 969 kishige yetkenliki eskertildi.