01.03.2022

türkiye awazi radiyosi: «yéngi shepeq géziti», türkiye jumhur reisi rejep tayyip erdoghanning süriyede 11 yil bolghan tiragédiyelerge, afghanistan, iraq, bosniye, riwanda, arakan we liwiyede tökülgen qanlargha, azab-oqubetlerge, dunya tertipi we bixeterlik sistémisining mesul ikenlikini éytqanliqini xewer qildi.

xewerde, rejep tayyip erdoghanning, «dunya beshtin chong we téximu adil dunya mumkin, dégen hazirqi dunyaning bashqurush sistémisidiki xataliq sewebidin yüz bergen her bir hadiseler, buni téximu éniq körsetmekte» dégenliki qeyt qilindi.

«hörriyet géziti», jumhur reis rejep tayyip erdoghanning türkiyening rayonida tinchliq, xatirjemlik we ésenlikni xalaydighan dölet ikenlikini؛ bu pozitsiyesini iraq, süriye, kawkazlar, qaradéngiz we aqdéngizdin balqan rayonighiche bolghan jaylarda yüz bergen weqe-hadisilerde namayan qilghanliqini éytqanliqini xewer qildi.

xewerde, rejep tayyip erdoghanning, «qaradéngizning shimalida yüz bergen kirizista dost süpitide qaraydighan ukraina bilen rusiyege, otturidiki mesilini diyalog bilen hel qilishni chaqiriq qilduq» dégenliki bildürüldi.

«weten géziti»,  ukraina hawa tewelikining taqalghanliqi sewebidin 24-féwraldin tartip ukraina we moldowagha ayropilan seperlirini toxtatqan türkiye hawa yolliri shirkitining, bu waqitni 15-martqiche (2022) uzartqanliqini xewer qildi.

xewerde yene, türkiye hawa yolliri shirkitining bu ikki dölettin bashqa, rusiyening sochi, rostow sheherliri we bélarusiyening minsk sheherlirigimu 2-martqiche ayropilan seperlirini toxtatqanliqi qeyt qilindi.

«sabah géziti», türkiyening 2021-yilini %11 iqtisadiy éshish bilen axirlashturup, yéqinqi 10 yildiki eng yuqiri iqtisadiy éshishni qolgha keltürgenlikini xewer qildi.