28.02.2022

 türkiye awazi radiyosi: «‹yéngi shepeq› géziti», «chawushoghlu, <söhbet ötküzülüshidin intayin xursenmiz> dédi» serlewhilik xewiride, töwendiki melumatlarni oqurmenlirining diqqitige sundi:

tashqi ishlar ministiri mewlüt chawushoghlu, moskwa – kiyéw otturisidiki sürkilish heqqide élan qilghan bayanatida, bu heqte hem ukraina diplomatiye ministiri bilen hemde rusiye diplomatiye ministiri bilen körüshkenlikini tekitlep mundaq dédi: «rusiye bilen ukrainaning söhbet ötküzüshni qararlashturushidin intayin xursenmiz.»

«‹weten› géziti», «türkiye <montrékis kélishimi> heqqide bayanat élan qildi» serlewhilik xewiride, munu uchurlargha orun ajratti:

tashqi ishlar ministiri mewlüt chawushoghlu, ukraina-rusiye krizisi toghrisida, «qirghaqdash we qirghaqdash bolmighan döletlerning urush paraxotlirining ötüshige munasiwetlik orunlashturush hoquqi <montrékis kélishimi>  ge aittur. türkiye hazirghiche  <montrékis kélishimi>   ge qetiy emel qilip keldi. biz mana mushundaq shertler astida <montrékis kélishimi>  ni ijra qilimiz. hazir bu bir urushqa aylandi, bu herbiy heriket emes, resmiy urush haliti bar.»

«‹star› géziti», «< Bayraktar TB2> biz üchün bir purset» serlewhilik xewiride, munu uchurlarni  oqurmenlirining diqqitige sundi:

rusiyening hujumi astidiki ukrainaning eng yash parlamént ezasi 26 yashliq swiyatoslaw yurash,  paytext kiyéwni qoghdash üchün qorallinip kochigha chiqti. u qollirida «Bayraktar TB2» ning barliqini körsitip, «bizning dunyadiki eng chong armiyege qarshi urushta ghelbe qilish pursitige érishishimiz üchün, biz éhtiyajimiz bolghan nerse mana mushu» dédi.

«‹höriyet› géziti», «5 döletning chégra éghizilirda tarqaqlashturush qarargahliri» serlewhilik xewiride, töwendiki uchurlargha orun ajratti:

türkiye, ukrainaning oxshimighan sheherliridin quruqluq arqiliq puqralirini tarqaqlashturushqa bashlidi. türkiye puqralirining ukrainagha qoshna 5 döletning chégra éghizliridin ongushluq ötüshi üchün diplomatik orunlar heriketke keltürüldi.

«‹xewer türk› géziti», «türkiye hawa yolliri shirkiti ukrainagha qoshna döletlerge qoshumche ayropilan seperlirini ishqa kirishtürmekte» serlewhilik xewiride, munu uchurlarni  oqurmenlirining diqqitige sundi:

türkiye hawa yolliri shirkitining bash diréktori bilal ekshi, ukrainagha qoshna döletlerdiki yoluchilarning teleplirining yéqindin közitiliwatqanliqini, éhtiyajqa qarap, qoshumche ayropilan seperlirilirining ishqa kirishtürülüwatqanliqini uqturdi.