25.02.2022

türkiye awazi radiyosi: «hörriyet géziti»,  türkiye jumhur reisi rejep tayyip erdoghanning rusiyening ukrainada qilghan herbiy herikitini qobul qilghili bolmaydighanliqini we buni ret qilidighanliqlirini eskertip: «xelqara qanungha xilap bu qedem, rayon tinchliqi, xatirjemliki we muqimliqigha bérilgen éghir zerbe» dégenlikini xewer qildi.

«sabah géziti», türkiye tashqi ishlar ministirliqi rusiyening ukraina herbiy herikitini qobul qilghili bolmaydighanliqini tekitlep, rusiyeni qanunsiz we adaletsiz herikitini baldurraq toxtitishqa chaqirghanliqini xewer qildi.

«xeber türk géziti», adalet we tereqqiyat partiyesining bayanatchisi ömer chelikning rusiye-ukraina kirizisi üstide toxtilip: «türkiye montrö kélishimining obyékit hökümlirini qetiy ijra qilidu. türkiye döletning teqdirige munasiwetlik mesililerde, urushni téximu chongqurlashturidighan, toqunushning dairisini kéngeytidighan we yirikchiliklerni téximu ulghaytidighan mesililerde, qarar bérish hoquqini tinchliq üchün ishlitidu» dégenlikini xewer qildi.

«yéngi shepeq géziti», ukraina armiye qomandanliq ishtabining, rusiyening hujumigha qarshi ukraina qisimliridiki «bayraktar» uchquchisiz hawa apparatlirining aktip ishlitilgenlikini élan qilghanliqini xewer qildi.

«star géziti», türkiye tashqi ishlar ministirliqining, türkiye bilen erméniyening ikki terep munasiwetlirini toluq normallashturushni meqset qilghan muzakirelerni aldinqi shert qoymastin dawamlashturush toghrisidiki pikir birlikini tekrarlighanliqini xewer qildi.