24.02.2022

‹yéngi shepeq› géziti», «putinning buyruqidin kéyin, donbasqa herbiy heriket bashlandi» serlewhilik xewiride, munu uchurlargha orun ajratti:

«rusiye-ukraina krizisida mölcherlengen tajawuzchiliq herikiti bashlandi. rusiye pirézidénti wiladimir putin ukrainaning sherqidiki donbasta alahide herbiy heriket bashlighanliqini élan qildi»

«‹xewer türk› géziti», «ukraina rehbirining tunji bayanati: <biz özimizni qoghdaymiz, hujum qilmaymiz> dédi» serlewhilik xewiride, ukraina pirézidénti woladimir zélénskiyning rusiyening donbas rayonigha bashlighan herbiy herikiti heqqide bayanat élan qilip,, «eger hayatimizgha, erkinlikimizge we perzentlirimizge hujumgha qilsa, biz özimizni qoghdaymiz, hujum qilmaymiz, özimizni qoghdaymiz» dégenlikini yazdi.

«‹höriyet› géziti», «türkiye awiatsiye shirkiti ukrainagha uchushlarni toxtatqanliqini élan qildi» serlewhilik xewiride, türkiye awiatsiye shirkiti bash dériktori bilal ekshining: «ukraina hawa boshluqi taqalghanliqi üchün bügün ukrainagha uchidighan barliq nöwetchi ayropilanlirimiz emeldin qalduruldi» dégenlikini yazdi.

«‹star› géziti, «erdoghanning 40 qétimliq ziyaritini tekshürdi» serlewhilik xewiride, munu uchurlargha orun ajratti:

firansiyening siyaset we xewer zhurnili «Le Point» jumhur reis rejep tayyip erdoghanning afriqa ziyariti heqqide maqale élan qildi. maqalide erdoghanning 2005-yildin buyan bash ministir we jumhur reis bolush süpiti bilen afriqini 40 qétimgha yéqin ziyaret qilghanliqi, afriqa qitesi bilen bolghan soda omumiy sommisini 2 milyardtin 25 milyard dollargha yetküzgenliki bildürüldi.

«‹sabah› géziti», «türkiyedin girétsiyege eskertish» serlewhilik xewiride, munu uchurlargha orun ajratti:

türkiye tashqi ishlar ministirliqi girétsiyening enqerede turushluq bash elchixanisi meslihetchisini chaqirip, girétsiye déngiz sahili muhapizet etritining tünügün türkiye puqralirini yarilandurghanliqigha qarita étiraz notasi tapshurdi.