03.10.2018

türkiye awazi radiyosi: «sabah géziti», türkiye jumhur reisi rejep tayyip erdoghan idlibte beshshar esed hakimiyiti bilen öktichiler arisidiki bixeter rayon sayisida chong qetliam we türkiyege köch dolqunining aldi élinghanliqini éytqanliqini xewer qildi.

gézitning xewiride, rejep tayyip erdoghanning adalet we tereqqiyat partiyesining türkiye büyük millet mejlisi (parlaménti) de ötküzülgen guruppa yighinida: «firat deryasining sherqide térrorizmning ishghalini axirlashturush iradimiz qetiy» dégenliki qeyt qilindi.

«yéngi shepeq géziti», türkiye tashqi ishlar ministiri mewlüt chawushoghlu shiwéytsariyede ötküzülgen gherbiy balqanlar istratégiyelik diyalog rehberler yighinidin kéyin, küntertip heqqide bayanat élan qilghanliqini xewer qildi.

gézitning xewiride, mewlüt chawushoghluning: «munbichtin y p g ni pütünley chiqirishning we munbichni yerlik xelqlerge tapshurup bérishning, hökümet nuqtisidin shundaqla xewpsizlik nuqtisidin éytqandimu alliburun waqti kélip ötüp ketti» dégenliki bildürüldi.

xewerde, mewlüt chawushoghluning yene, kélishimni amérika bilen sözmu söz ijra qilish kéreklikini eskertip: «ular seweb bolghan kéchikish otturigha chiqti, biraq pütünley yaman boluwatidu yaki ijra qilinmaywatidu déyelmeymiz» dégenliki qeyt qilindi.

«hörriyet géziti», türkiyening tunji qétim rusiyedin rubli bilen bughday sétiwalidighanliqini élan qildi.

xewerde, merkiziy rusiyege qaylashqan sowékon (SovEkon) analiz merkizi bayanat élan qilip, türkiyening rusiyedin rubli bilen tonnisini 17 ming rublidin 30 ming tonna yuqiri proténliq bughday sétiwalidighanliqini bildürgenliki qeyt qilindi.

sowékon analiz merkizi tereplerning milliy pul birlikliri bilen qilghan sodisi sayisida we pul obrotliri sewebi bilen tartidighan ziyanning aziyidighanliqini eskertken.

«weten géziti», iran-türkiye chégrasida 144 kilométir uzunluqta yasilidighan tamning 88 kilométirliq qismining pütkenlikini xewer qildi.

gézitning xewiride körsitilishiche, dunyadiki üchinchi uzun tam hésablinidighan «türk seddi» ning bezi jaylardiki égizliki üch métirgha yétidiken. qurulush pütkendin kéyin, közitish munarliri, kaméra sistémiliri, herbiy aptomobillarning charlishi üchün «bixeter yol» yasilidiken.

«star géziti», jumhur reislik simfoniye orkéstir etritining 4-5-öktebir künliri «troyadin chanaqqelegiche» namliq dunyagha dangliq eserler bilen 2018-2019-yilliq konsért peslini bashlaydighanliqini xewer qildi.

xewerde qeyt qilinishiche, 4-5-öktebir künliri tunji qétim hasan ucharsuning «troyadin chanaqqelegiche» dégen esiri 2018-2019-yilliq konsért peslide setetxumarlar bilen yüz körüshidiken.

troyaning b d t maarip, bilim we medeniyet teshkilati-yunésko (UNESCO) ning dunya medeniyet tizimlikige kirgüzülgenlikining 20-yilliqida, medeniyet we sayahet ishliri ministirliqi 2018-yilini «troya yili» dep élan qilishi munasiwiti bilen, «troyadin chanaqqelegiche» dégen eser jumhur reislik simfoniye muzika etriti teripidin orunlinidiken. eserning tékisti türk shairi mehmet akif ersoyning «chanaqqele shéhitlirigha» dégen shéiri asas qilinghan halda tüzülgen.