12.06.2018

yéngi shepeq géziti «erdoghan: qendilge herbiy heriket bashliduq, dédi»serlewhilik xewiride munu uchurlarni oqurmenliri bilen ortaqlashti: «jumhur reis rejep tayyip erdoghan nighde wilayitide xelqqe xitab qilip: qendilge herbiy heriket élip bérishni bashliduq, 20 küreshchi ayropilanimiz bilen 14 nuqtni weyran qilduq, ayropilanlirimiz wezipisini tamamlap qaytip keldi, zörür téplsa yene wezipige chiqidu, dédi.»

sabah géziti «türkiye iqtisadiy %7.4 zoraydi»serlewhilik xewiride munu uchurlargha orun ajratti: «türkiye istatistika idarisi türkiye memliketlik omumiy ishlepchiqirish omumiy qimmitining bu yilning birinchi charikidiki netijilirini élan qilip türkiyening bu  mezgilde iqtisadiy jehettin % 7.4 zorayghanliqini uqturdi. jumhur reis rejep tayyip erdoghan: türkiye iqtisadiy %7.4 zoraydi, yawropa iqtisadiy hemkarliq teshkilati döletliri arisida birinchi, g-20dölet guruhigha eza döletler arisida ikkinchi boldi. dunya boyiche iqtisadiy téz sürette tereqqiy qiliwatqan döletlerdin biri bolduq, dédi.»

haber türk géziti «istanbulgha kelgen sayahetchilerning %25i ereb»serlewhilik xewiride munu uchurlarni oqurmenlirining diqqitige sundi: «türkiye méhmansaraylar uyushmisining bildürüshiche, 2018-yilning deslepki töt éyida istanbulgha kelgen sayahetchi sani 4 milyon 200minggha yetken bolup, bu sayahetchilerning 967mingi ereb iken.»

watan géziti «bor medenide birge ming qoshulidu»serlewhilik xewiride munu uchurlargha orun ajratti: «énérgiye we tebiiy bayliqlar ministirliqining muawin bash ministiri fatih dönmez: bor medenining xam halitidiki bir tonna bahasi 200 dollar bolghan bolsa, yuqiri süpeylik mehsulatlargha aylandurulghan chaghdiki bahasi 300-400 ming dollargha chiqidu, bu birge ming qoshulidu, dégenliktur, dédi.»

sitar géziti «grizu-263 alem qatnishi üskünisi amérikidiki modél süniy hemrah musabiqiside dunya ikknchisi boldi»serlewhilik xewiride munu uchurlarni oqurmenliri bilen ortaqlashti: «bulent ejewit uniwérsitéti inzhénérliq pakultitida oquydighan oqughuchilar yasap chiqqan <gruzi-263>alem qatnishi üskünisi 2018-yili 8-iyundin 10-iyunghiche amérikida ötküzülgen <modél süniy hemrah musabiqisi>da dunya ikkinchisi boldi.»