28.05.2018

türkiye awazi radiyosi: «<weten> géziti», «yer issiqliqidin éléktir ishlepchiqirish deslepki 4 ayda %35 ashti» serlewhilik xewiride töwendiki uchurlarni oqurmenliri bilen ortaqlashti: yer issiqliqi éléktir istansisi meblegh salghuchiliri jemiyiti, 2018 – yilining deslepki töt éyida yer issiqliqi éléktir istansilirida ishlepchiqirilghan éléktir miqdarining 2017 – yilining oxshash mezgilige sélishturghanda, %35 éship, 2 milyard 259 milyon kilowat saetke yetkenlikini uqturdi. mezkur jemiyet bayanat élan qilip, qayta hasil bolidighan shundaqla yerlik énérgiye menbesi bolghan yer issiqliqi énérgiyesining éléktir ishlepchiqirishtiki nisbitining ashqanliqini qeyt qildi.

«<star> géziti», «türkiye yene yéngi bir ayrodurum (salidu)» serlewhilik xewiride töwendiki uchurlarni oqurmenliri bilen ortaqlashti: bash ministir yardemchisi we hökümet bayanatchisi bekir bozdagh, yozgatning 2019 – yilining ikkinchi yérimida téz poyizgha érishidighanliqini éytti we yozgat ayrodurumining ul téshining 3 – iyun yekshenbe küni qoyulidighanliqini élan qildi.

«<sabah> géziti», «tanab qurulushi axirqi basquchqa qedem qoydi» serlewhilik xewiride töwendiki uchurlarni oqurmenliri bilen ortaqlashti: ezerbeyjanning hazar déngizida ishlepchiqarghan tebiiy gazining türkiye we yawropagha éqitilishini nishan qilghan tirans anadolu tebiiy gaz turuba liniyesi (tanab) ning türkiyege kirish qismi bolghan ardahan posofta turuba tutashturush we suwarkilash xizmetliri axirlashti. turubilar yerge kömüldi.

«<xabertürk> géziti», «türk qizilay jemiyiti bilen qatar xeyr – saxawet orgini yemenge bir milyon dollar iane» serlewhilik xewiride töwendiki uchurlarni oqurmenliri bilen ortaqlashti: türk qizilay jemiyiti bilen qatar xeyr – saxawet orgini arisida imzalanghan hemkarliq kélishimining rohigha asasen, yemende dawamlishiwatqan insaniy yardem paaliyetliri üchün 1 milyon dollarliq neq pul iane qilinidu. qizilayning istanbuldiki ishxanisida ötküzülgen murasimda, türk qizil ay jemiyiti bashliqi kerem qiniq bilen qatar xeyr – saxawet orgini bashliqi feysal rashid elfuheyda hemkarliq kélishimige imza qoydi. qiniq bu yerde söz qilip, insaniyetning büyük kirizislirining biri bolghan yemen kirizisigha (yardem qilish üchün) qatar xeyr – saxawet orgini bilen ortaq seperwerlik paaliyiti élip bérish yolida ikki hemkarliq kélishimi imzalighanliqlirini éytti.

«<sabah> géziti», «türkiye déngiz armiyesige yéngi téxnologiyeler seplendi» serlewhilik xewiride töwendiki uchurlarni oqurmenliri bilen ortaqlashti: dölet mudapie sanaiti meslihetchilik orginining 2017 – yili tapshurup bérish xizmetliri bilen aldirash ötti. dölet mudapie sanaiti meslihetchilik orgini 2017 – yili xewpsizlik küchlirige yéngi qoral, aptomobil we apparatlarni tapshurdi. bora we k bashqurulidighan bombilirining sinaq we qobul qilish paaliyetlirini tamamlap, 200 din artuq k tipliq bashqurulidighan bomba, 50 din artuq bora markiliq bashqurulidighan bomba tapshuruldi. 2017 – yili qorallar sépige 20 dane uchquchisiz hawa apparati / qoralliq uchquchisiz hawa apparati, 9 dane t 129 tipliq atak tik uchar ayropilan, 5 dane sikoriskiy s-70, 2 dane a400m ayropilani qoshuldi. xewpsizlik küchlirining ishlitilishige 650 din artuq kobra II, kirpe we ejder yalchin bironéwik tapshuruldi, déngiz armiyesining küchi yéngi paraxotlar qoshulup kücheytildi.