15.06.2017

türkiye awazi radiyosi: «hörriyet géziti», qatar emiri sheyx tamim essanining jiyeni shahzade sheyx suhaim bin xalid essanining qatar-türkiye munasiwetliridin sherep hés qilidighanliqini éytqanliqini xewer qildi.

gézitning xewiride, shahzade xalid essanining türkiyege meblegh salidighanliqlirini eskertip, türkiye-qatar iqtisadiy munasiwetlirining tereqqiy qilishi üchün yoshurun küchlerning zorliqini éytqanliqi qeyt qilindi.

gézitning xewiride eskertilishiche, xalid essani mundaq dégen: «türkiyedin qatargha yémek-ichmek, tibbiy malzimiler we qurulush matériyalliri import qilalaymiz. biz her daim türkiyede meblegh sélishqa bolidighan yéngi saheler üstide izdinimiz. hazir türkiyening bir shirkiti bilen shérikchilik arqiliq texminen 1.4 milyard lira qimmitide toxu firmisi qurimiz.»

«sabah géziti», türkiye köchme téléfon shirkiti türksél (Turkcell) ning «merhaba ümid» (Merhaba Umut) namliq ep (App) ining birleshken döletler teshkilatining uchur we alaqe ishlirigha mesul orgini bolghan xelqaraliq télékom birleshmisining bashchiliqida ötküzülgen 2017-yilliq «WSIS» mukapatigha érishkenlikini xewer qildi.

shirketning süriye we bashqa yerdin kelgen ana tili erebche bolghan musapirlargha yardem qilish meqsitide yasalghan «merhaba ümid» namidiki ep, «köp xil medeniyet we kimlik, köp xil til» katégoriyeside birinchi bolghan.

«xebertürk géziti», dunyadiki shirket bashqurush meslihetchilikini béridighan dangliq «The Boston Consulting Group» ning 2017-yilliq eng bay mal-mülük igilirining doklatini élan qilghanliqini xewer qildi.

gézitning xewirige asaslanghanda, 2017-yili dunyada shexslerning jemiy mal-mülki 2016-yiligha sélishturghanda %5.3 éship, 166.5 tiriliyon dollargha yetken. türkiyede bolsa, 2016-yilida milyonérlarning sani %0.2 ashqan.

«yéngi shepeq géziti», ilko (İLKO) dora shirkiti bilen sabanji uniwérstéti nano téxnika tetqiqat merkizining rak késilini dawalashta qollinish meqsitide yerlik dora yasash üchün birlikte teyyarlighan layihening, türkiye bilim we téxnika tetqiqat idarisi (TÜBİTAK) ning qollishigha érishkenlikini xewer qildi.

xewerde eskertilishiche, türkiye texminen töt yil dawamlishidighan layihe axirida dunya dora sanaitining kélechiki dep körsitilgen biyotéxnikiliq bazarning muhim aktiyorigha aylinidiken.