13.06.2014

türkiye awazi radiyosi: «xeber türk géziti» ning iqtisad sehipiside élan qilinghan bir xewerde, xelqara bazarlarda brént néfiti (brent petrol) ning waril bahasining örlep ketkenliki bildürüldi.
xewerde, iraqta yüz bergen weqelerning néfitqa bolghan éhtiyajni ashuruwétidighanliqi toghrisidiki endishilerning néfit bahasining örlep kétishige seweb bolghanliqi qeyt qilindi.
«star géziti», «türksat 4B süniy hemrahi teyyar» serlewhilik xewiride, yaponiyede yasilish we sinaq qilish jeryanigha türkiye inzhénérlirimu qatnashqan türksat 4B süniy hemrahining yasilip bolghanliqini élan qildi.
gézitning xewiride, türksat 4B süniy hemrahining yasalghanliqi munasiwiti bilen, mitsubishi éléktironik (MELCO) shirkitining kamakuradiki süniy hemrah yasash merkizide murasim ötküzülgenliki eskertildi.
«sabah géziti», «tunji milliy süniy hemrah qoyup bérish supisi kélidu» serlewhilik xewiride, tunji milliy xewerlishish süniy hemrahi türksat 6A üchün imza qoyushqa sanaqliq künler qalghanda, süniy hemrah qoyup bérish supisi yasash üchün kéreklik xizmetlerning bashlanghanliqini bildürdi.
xewerde, buning üchün mughlagha meblegh sélishning aldinqi pilangha chiqqanliqi eskertildi.
«aksham géziti», islam dunyasining 12 – iyun kéchisi ramizan éyining xewerchisi berat qendilini kütüwalghanliqini xewer qildi.
xewerde, jamelerni liq toldurghan jamaetning gunahlirining meghpiret qilinip, künlirining beriketlik ötüshi üchün namaz oqup, dua qilghanliqi bildürüldi.
«weten géziti», «nur tézlikide seper qilish mumkin» serlewhilik xewiride, amérika alem qatnishi idarisi (NASA) ning yéngi sanaet layhesini tereqqiy qildurup, yultuzlar ara nur tézlikide sayahet qilishning mumkin bolidighanliqini élan qilghanliqini bildürdi.
«milliyet géziti», biraziliye sahibxanliq qilghan 20 – nöwetlik dunya longqisi putbol musabiqisi échilish murasimining 12 – iyun san pawlo tenterbiye meydanida ötküzülgenlikini xewer qildi.

xewerde, murasimdin kéyin bashlanghan musabiqide, biraziliye komandisining kirudiye komandisini 1 ge qarshi 3 netije bilen yenggenliki
élan qilindi.