türkiye metbuatlirida bügün 10.06.2014

türkiye awazi radiyosi xewiri: hörmetlik radiyo anglighuchi eziz qérindashlar! yéngi shepeq géziti, türkiye - iran munasiwetliride yéngi sehipe échilghanliqini xewer qildi.
xewerde, iran pirézidénti hesen ruhanining dölitimiz jumhur reisi abdullah gül we bash ministiri rejep tayyip erdoghan bilen körüshkenliki, abdullah gülning bu tarixiy ziyaretning ehmiyitini tekitligenliki, hesen ruhanining bolsa, bu qétimqi ziyaretning ikki dölet otturisidiki munasiwetlerge nisbeten bir burulush nuqtisi bolghanliqini bildürüp, rayonning muqimsizliqining héch kishige paydiliq emeslikini éytqanliqi qeyt qilindi.
xewerde yene, ruhanining soda hejimini ikki hesse yuqiri kötürüshni pilanlighanliqini tilgha élip, basra qoltuqi bilen omman déngizini qaradéngiz bilen aqdéngizgha tutashturidighan tömür yol léniyesi qurulidighanliqini éytqanliqi bildürüldi.
sabah géziti, «gauk türk dukkandarlarni righbetlendürüsh ziyaritide boldi» serlewhilik xewiride, gérmaniyening kolin shehirige jaylashqan we "kéchik istanbul" depmu nam alghan kéup chong kochisining 2004 – yili 9 – iyunda radikal ongchi (NSU) térrorluq teshkilati teripidin élip bérilghan bomba hujumining 10 – yilini xatirilesh künide muhim bir méhmanni kütüwalghanliqini yazdi.
xewerde, gérmaniye pirézidénti jochim gaukning partlashta dukkini ziyangha uchrighan türk dukkandarlarni ziyaret qilip, kochidiki bir risturantta tamaq yégenliki we «hujumdin kéyinmu gérmaniyeni tashlap ketmigenlikinglar üchün silerge minnetdarliqizmizni bildürimiz» dégenliki hemde uning bu ziyariti gérmaniye metbuatliri teripidinmu yiqindin teqip qilinghanliqi qeyt qilindi.
weten géziti, «iqtisadning chaqi rékort yaritishqa qarap chörgilimekte» serlewhilik xewiride, iqtisadi tereqqiyatning aldinqi körsetküchi bolghan sanaet ishlepchiqirish nisbitining april éyida %4.6 lik mölcherdin halqip ishqa ashqanliqini yazdi.
xewerde, ékisport bilen sanaet ishlepchiqirish körsetküchining 121 nomur bilen tarixtiki eng yuqiri sewiyege yetkenliki qeyt qilindi.
axsham géziti, iqtisad sehipisidiki «türkiye hawa yolliri shirkiti 15 ayropilan zakas qilishni qararlashturdi» serlewhilik xewiride, türkiye hawa yolliri shirkitining amérika ayropilan zawuti (Boeing) gha 15 dane (B737-8 MAX) tipliq ayropilan zakas qilish niyitini qetiy qarargha özgertkenlikini yazdi.
xewerde, türkiye hawa yolliri shirkiti teripidin élan qilinghan bayanatta, ayropilanlarni 2020 – yili tapshurup almaqchi bolghanliqi bildürüldi.
yéngi shepeq géziti, «(Atak) ning zamani» serlewhilik xewiride, türkiyening tünji yerlik hujumchi tik uchar ayropilani (Atak) ning türkiye armiyesige tapshurup bérilgenliki qeyt qilindi.
xewerde, urush saheseliride yéqindin yardem bérish üchün ishlitilidighan bu tik ucharning dunyada öz türi boyiche eng yaxshi dep qobul qilinghanliqi tekitlendi.
xewerde yene, yerlik hujumchi tik uchar ayropilani (Atak)ta 2 dane (Stringer missiles) inchike norluq bashqurulidighan bomba, 8 dane tanka pachaqlighuch bashqurülidighan bomba, 12 dane "neyze" namliq bashqurulidighan bomba bolidighanliqi qeyt qilindi.
sabah géziti, tenterbiye sehipiside dunya longqusini talishish musabiqisige qatnishidighan 32 döletning répirliridin 4 kishining türkiyege nisbeten yat kishiler emeslikini xewer qildi.
xewerde, dél boskiyoning béshiktash komandisida, lüwning fener bahche komandisida, xelil hudzichning tirabzon sipor komandisida, susijning bolsa, 5 türk qulupida wezipe ötigen répirlar ikenliki bildürüldi.
radiyo anglighuchi eziz qérindashlar! yuqirida türkiye gézitliridin tallap teyyarlighan qisqiche xewerlirimizni anglidinglar!