ئارمىيە باش ئىشتاب باشلىقى ئاۋسەۋەر قازاقىستاندا زىيارەتتە بولدى

تۈركىيە ئاۋازى رادىيوسى خەۋىرى: قازاقىستان دۆلەت مۇداپىئە مىنىستىرلىقى بايانات ئېلان قىلىپ، ئاۋسەۋەر باشچىلىقىدىكى تۈركىيە ھەربىي ۋەكىللەر ئۆمىكىنىڭ ھەر خىل ئۇچرىشىشلارنى ئۆتكۈزۈش مەقسىتىدە پايتەخت ئاستاناغا يېتىپ بارغانلىقىنى ئۇقتۇردى.

ئاۋسەۋەر قازاقىستان دۆلەت مۇداپىئە مىنىستىرى جاكسىلىكوف بىلەن كۆرۈشتى؛ يىغىنغا قازاقىستان باش ئىشتاب باشلىقى مارات ھۈسەيىنوف ۋە تۈركىيەنىڭ ئاستانەدە تۇرۇشلۇق باش ئەلچىسى مۇستاپا كاپۇجۇ قاتناشتى.

يىغىندا، ئىككى دۆلەتنىڭ ھەربىي تەلىم - تەربىيە، جەڭ مەشىقى ۋە تىنچلىقنى ساقلاش قاتارلىق ساھەلەردىكى مۇناسىۋىتىنىڭ نۆۋەتتىكى ئەھۋالى ھەمدە ھەربىي تېخنىكا ھەمكارلىقى ساھەسىدە ھاسىل قىلىنغان كېلىشىملەرنىڭ ئەمەلىيلىشىشى مەسىلىسى مۇزاكىرە قىلىندى.