ilham eliyéw bosniye-gértségowinani ziyaret qildi

türkiye awazi radiyosi xewiri: ezerbeyjan pirézidénti ilham eliyéwning tunji qétimliq bosniye-gértségowina ziyaritide, paytext sarayéwuda bosniye-gértségowina pirézidéntliq kéngishining bashliqi we sérb ezasi zélika jwizhanowij , kéngeshning xirwat ezasi zélzhko komsij we boshnaq ezasi dénis béjirewij qatarliq rehberler teripidin qizghin kütüwélindi.

pirézidént ilham eliyéw heyetler ara uchrshishtin kéyin söz qilip, bosniye-gértségowinaning qarabagh urushida özlirini qollighan döletlerning biri bolghanliqini bildürdi.

u mundaq dédi:

«bu dostluq we qérindashliq sewebidin biz silerdin minnetdar. bügün munasiwetlirimizde yéngi dewr bashlinidu. iqtisadiy sahediki munasiwetlirimizni kücheytimiz. istratégiyelik sahedimu bosniye-gértségowina bilen ezerbeyjan otturisida hemkarliqlar bolidu.»

bosniye-gértségowina pirézidéntliq kéngishining bashliqi zélika jwizhanowij ezerbeyjan bilen hemkarliqlarda yéngi dewrni bashlighanliqlirini bildürüp, ezerbeyjangha bosniye-gértségowinada kelkün apiti  yüz bergen qiyinchiliq künlerde yardem qolini sunghanliqi üchün teshekkür éytti.

u wuxen wirusi  (Kovid-19 ) mezgilide ezerbeyjanning chong yardimige érishkenliklirini eskertip, ezerbeyjanning bosniye-gértségowinada nurghun layihelerni emeliyleshtürgenlilkini tekitlidi.

u bügün (13-aprél) imzalanghan ezerbeyjan -bosniye-gértségowina istratégiyelik shériklik xitabnamesining özara siyasiy diyalog bilen iqtisadiy hemkarliq nuqtilirini yorutup béridighanliqini qeyt qildi.

u ezerbeyjanning bosniye-gértségowinada elchixana achqanliqini, bosniye-gértségowinaningmu bakuda elchixana échishning aldinqi qatardiki muhim ishlarning biri ikenlikini we munasiwetlik xizmetlerning bashlinidighanliqini bildürdi.