qazaqistan: nursultan nezerbayéwning bir qatar salahiyet we hoquqliri inawetsiz
qazaqistan asasiy qanun mehkimisi sabiq pirézidént nursultan nezerbayéwgha bérilgen bir qatar salahiyet we hoquqlarni öz ichige alghan qanunning inawetsiz qilinishini testiqlidi.
türkiye awazi radiyosi xewiri: qazaqistan asasiy qanun mehkimisi teripidin élan qilinghan yazma bayanatta, mezkur qanunning, 5 – iyun küni (2022) dölet miqyasida ötküzülgen asasiy qanun référandumining netijilirige asasen chiqirilghanliqi tekitlinip mundaq déyildi: «qazaqistan jumhuriyitining tunji pirézidénti-elbashi heqqidiki qanunning yéngilanghan asasiy qanunda küchke ige qilinishining héchqandaq qanuniy asasi yoqtur, shu wejidin, bu qanun inawetsizdur.»
qazaqistan asasiy qanun mehkimisining qararigha asasen, nursultan nezerbayéwgha tunji pirézidént süpitide bir qatar salahiyet we hoquqlar bérilgen maddilar asasiy qanundin chiqiriwétilidiken.
bu ehwal nursultan nezerbayéwning asasiy qanun teripidin kapalet astigha élinghan tekshürülmeslik hoquqigha tesir körsetmeydiken. emma, uning ailisi tekshürülmeslik hoquqidin mehrum bolup qalidiken.
awam palatasi we kéngesh palatasidin teshkil tapidighan qazaqistan parlaménti, kéler hepte birleshme yighinda bu mesilini muzakire qilidiken.
