qazaqistan paytextning namini qaytidin «astane»ge özgertishni qarar qildi
qazaqistan parlaménti, paytext nur sultanning ismini qaytidin astanigha özgertishni mezmun qilghan asasiy qanun maddisini maqullidi.
türkiye awazi radiyosi xewiri: qazaqistan parlaméntining yuqiri - töwen palataliri birleshme muzakire élip bérip, dölet asasiy qanunining bezi maddilirigha özgertish kirgüzüshni mezmun qilghan qanun layihesini qobul qildi؛ asasiy qanungha kirgüzülgen bu qétimqi tüzitishning rohigha asasen, paytext nursultanning ismi qaytidin astanigha özgertilidiken, lahiye pirézidént qasim jomert tokayéw imza qoyghan kündin bashlap küchke ige bolidiken.
buningdin ilgiri, qazaqistan parlaméntining bir guruppa parlamént ezasi, xelqning paytextning yéngi nami (nur-sultan) ni qobul qilalmighanliqini otturigha qoyup, sheherge kona isimi «astane»ni qayturup bérish teklipini otturigha qoyghanidi.
qazaqistan prézidénti qasim jomert tokayéw 9-ayning 12-küni asasiy qanun kéngishige iltimas sunup, parlamént ezalirining mezkur teklipining asasiy qanunning rohigha mas kélidighanliqi toghrisida ijabiy jawabqa érishkenidi.
qazaqistanning qurghuchi pirézidénti nursultan nezerbayéw, 2019-yili 19-mart pirézidéntliq wezipisidin istépa bérip bir kündin kéyin parlaméntta wezipe tapshurulghan alghan pirézidént tokayéw paytext astanening namini nur sultangha özgertish teklipini otturigha qoyghanidi.
döletning oxshimighan jaylirida ötküzülgen namayish we murajietnamilerge qarimay, bu teklip 2019-yili 23-mart parlaméntta birdek qobul qilinip, döletning paytextining ismi «nur sultan»gha özgertilgenidi.
