ottura asiyaning eng chong jamesi échildi
qazaqistanda qurulushi tamamlanghan ottura asiyaning eng chong jamesi hésablinidighan «büyük nur sultan jamesi» murasim arqiliq échildi.
türkiye awazi radiyosi xewiri: paytext nur sultanda yasalghan jamening échilish murasimi, qazaqistanning qurghuchi pirézidénti nursultan nezerbayéwning ishtirak qilishida ötküzüldi.
murasimgha, özbékistan, qirghizistan, mongghuliye, rusiye we misirdin diniy dairiler, qazaqistandiki musulman döletlerning bash elchiliri we köp sanda axbarat wasitiliri mensupliri ishtirak qildi.
nezerbayéw, murasimda qilghan sözide, jame qurulushining asasliq höddigiri bolghan türkiyelik karxanichi fettah taminje, simwol qurulush guruhi we xizmetchi - xadimlirigha rehmet éytti.
échilishtin kéyin, jamede jüme namizi oquldi.
kölimi texminen 68 ming kiwadrat métir kélidighan «büyük nur sultan jamesi», ottura asiya boyiche eng chong jame hésablinidu.
layihelesh we qurulush jehette nurghun alahidilikke ige bu jame, dunyadiki 10 chong jamedin biri hésablinidu.
birla waqitta 35 ming adem namaz oquyalaydighan, islam muzéyi, kutupxana, toy zali, quran kerim dersxaniliri, yighin zali we üsti yépiq aptomobil toxtitish meydanini öz ichige alghan «büyük nur sultan jamesi» ning, döletning yéngi simwolliridin biri bolushi kütülmekte.
