ottura asiya döletliri bilen xitay özara hemkarliqlarni kéngeytidighanliqlirini bildürdi

türkiye awazi radiyosi xewiri: qazaqistan paytexti nursultanda tashqi ishlar ministiri muxtar tilewberdining sahibxanliqida «ottura asiya döletliri we xitay tashqi ishlar ministirlirining 3-qétimliq yighini» ötküzüldi.

yighingha, qirghizistan tashqi ishlar ministiri jeénbék qulubayéw, türkmenistan tashqi ishlar ministiri rashid meredow, özbékstan tashqi ishlar ministiri wekili wladimir norow, tajikstanqatnash ministiri azim ibrahim we xitay tashqi ishlar ministiri wang yi qatnashti.

terepler yighinda, ottura asiya döletliri bilen xitay arisidiki köp tereplik hemkarliqni téximu kéngeytishning, rayonda tinchliq, muqimliq we bixeterlikni qoghdashtin bashqa, dawamlashturghili bolidighan ijtimaiy-iqtisadiy tereqqiyat üchün muhim ikenliki tekitlendi.

yighinda, ottura asiya döletliri bilen xitay arisida bixeterlik, qatnash, sanaet, kilimat özgirishke qarshi küresh, yéshil iqtisad, uchur sanaiti, sehiye, sayahetchilik, medeniyet we bashqa istratégiyelik sahelerni öz ichige alghan pilan-layiheler testiqlandi.

qazaqistan tashqi ishlar ministiri muxtar tilewberdi yighindin kéyin bayanat élan qilip: «diyalog formatidiki yighin ramkisida, köp tereplik hemkarliqlarni kücheytishke, uning muhim yoshurun küchini otturigha chiqirishqa, ottura asiya rayonini tinchliq, dostluq, özara yardem we dawamlashturghili bolidighan tereqqiyatqa köngül bölidighanliqimizni yene bir qétim ispatliduq» dédi.

xitay tashqi ishlar ministiri wang yi ottura asiya döletliri bilen köp tereplik hemkarliqni kéngeytishni ümid qilidighanliqlirini bildürdi.

wang famililik yighinda, özara hörmet, özara menpeet yetküzüsh we yaxshi qoshnidarchiliq ramkisida, ottura asiyaning musteqilliqi, tinchliqi we kélechiki üchün ortaq tirishchanliq körsitish mesiliside pikir birliki hasil qilghanliqlirini bildürdi.

u xitay-yawropa yolining bixeter we muqim bolushigha kapaletlik qilidighanliqlirini eskertti.