qazaqistan: nezerbayéwning salahiyitining ayrim békitilishining hajiti yoq
qazaqistanda asasiy qanungha tüzitish kirgüzüsh dairiside nursultan nezerbayéwning «qurghuchi pirézidént» salahiyitining ayrim békitilishige hajet yoqluqi bildürüldi.
türkiye awazi radiyosi xewiri: qazaqistan dölet ishliri katipi yerlan karin, télégramma qanilida élan qilghan bayanatida, asasiy qanun kéngishining, pirézidént qasim jömert toqayéwning «asasiy qanungha tüzitish kirgüzüsh» iltimasini qobul qilghanliqini eskertish bilen bir waqitta, asasiy qanun islahatining hakimiyet béshidiki hökümetler otturisidiki munasiwetlerning tengpungluqini yenimu yüksek sewiyege yetküzüsh, xelqning hakimiyet ishlirigha ishtirak qilishining dairisini kéngeytish we puqralarning asasiy qanunluq hoquqini qoghdashni kücheytish meqsitide élip bérilghanliqini tekitlidi, shundaqla, asasiy qanun xizmet guruppisining bezi ezalirining teklipliri nezerge élinip, qazaqistanning birinchi pirézidéntining salahiyiti heqqide asasiy qanun kéngishige qoshumche iltimas sunulghanliqini bayan qilip mundaq dédi: «ularning qarishiche, birinchi pirézidéntning tarixiy roli hemmige ayan bolup, asasiy qanunda ayrim békitilishining hajiti yoq iken.»
مۇناسىۋەتلىك خەۋەرلەر
ishghaliyet astidiki 4 yéza – kent ezerbeyjangha qayturup bérildi
erméniyening gazah shehiride ishghaliyet astidiki 4 yéza – kent ezerbeyjangha qayturup bérildi.