شىۋېتسىيەدە بىر تۈرك سىياسەتچىگە تەھدىت سالغان كىشىگە جازا بېرىلدى

تۈركىيە ئاۋازى رادىيوسى خەۋىرى: مالمۆ رايونلۇق سوت مەھكىمىسى <<ئوخشىمىغان رەڭلەر پارتىيەسى>> نىڭ باشلىقى مىكائىل يۈكسەلگە تەھدىت سالغان كىشىنىڭ تۆلەم تۆلەشكە ھۆكۈم قىلىنغانلىقى توغرىسىدا بايانات ئېلان قىلدى.

باياناتتا، 20 ياشلىق جاۋابكارنىڭ مىكائىل يۈكسەلگە قارشى <<تەھدىت ۋە ئۆچمەنلىك جىنايىتى>> بىلەن ئەيىبلەنگەنلىكى قەيت قىلىندى.

باياناتتا، جاۋابكارنىڭ سوت مەھكىمىسىگە 2 مىڭ 500 كرون، مىللىتى تۈرك مىكائىل يۈكسەلگە بولسا 5 مىڭ كرون تۆلەم تۆلەشكە ھۆكۈم قىلىنغانلىقى ئەسكەرتىلدى.

مىكائىل يۈكسەل جاۋابكارنىڭ فەيسبۇكتا تەھدىت سالغانلىقىنى ۋە ئىسلام ئۆچمەنلىكىگە ئائىت سۆزلەرنى قىلغانلىقىنى بىلدۈرۈپ: <<مالمۆ رايونلۇق سوت مەھكىمىسى جاۋابكارنىڭ ماڭا 5 مىڭ كرون تۆلەم تۆلىشىگە ھۆكۈم قىلدى. مەن بۇ 5 مىڭ كروننى ئىلگىرى قىلغان ۋەدەم بويىچە گۆتەبورگدا سېلىنىۋاتقان دىيانەت ئىشلىرى ئىدارىسىغا قاراشلىق مىمار سىنان مەدەنىيەت مەركىزىگە ئىئانە قىلىمەن>> دېدى.