tajikistan özbékistandin téximu köp tebiiy gaz import qilidu
tajikistan énérgiye bashqurush idarisi muawin bashliqi shewket shayimzade, 2019-yili özbékistandin téximu köp tebiiy gaz import qilinidighanliqini bildürdi.
türkiye awazi radiyosi xewiri: tajikistan bu yil özbékistandin import qilidighan tebiiy gaz miqdarini texminen 4 hesse ashuridighanliqini bildürdi.
tajikistan énérgiye bashqurush idarisi muawin bashliqi shewket shayimzade muxbirlarni kütüwélish yighini ötküzgende, tajikistanning bultur özbékistandin 54 milyon kup métir tebiiy gaz import qilghanliqini, bu yil bu miqdarni 4 hesse ashuridighanliqini éytti.
shewket shayimzade, tajikistanning 2019-yili özbékistandin texminen 200 milyon kup métir tebiiy gaz import qilishni pilanliwatqanliqini bildürdi.
özbékistan dairiliri bilen alliburunla muzakire ötküzüshni bashliwetkenliklirini éytqan shayimzade, pat yéqinda kélishim imzalinidighanliqini eskertti.
tajikistan hökümiti özbékistangha her ming kup métir tebiiy gaz üchün 120 dollar tölep kéliwatqanidi.
ikki dölet munasiwiti eslige kelgendin buyan, tajikistan özbékistangha tok éksport qiliwatqan bolsa, özbékistanmu tajikistangha tebiiy gaz éksport qilip kelmekte.
özbékistanda yilda otturiche 60 milyard kup métir tebiiy gaz ishlepchiqirilidighan bolup, bu miqdarning köp qismi memliket ichide ishlitilidu. 10-12 milyard kup métir tebiiy gaz bolsa xitay, rusiye we bashqa döletlerge éksport qilinidu.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.