özbékistan bilen gérmaniye 4 milyard dollarliq kélishim imzalidi
özbékistan bilen gérmaniye otturisida 4 milyard dollarliq layihelerning emelge ashurulishi üchün bir türküm kélishimler imzalandi.
türkiye awazi radiyosi xewiri: özbékistan döletlik sélinma ishliri komitéti teripidin élan qilinghan bayanatta, muawin bash ministir we döletlik sélinma ishliri komitéti bashliqi suhrab xalmuradowning riyasetchilidiki alahide heyet, pirézidént shewket mirziyoyéwning kéler hepte gérmaniyede élip baridighan resmiy ziyaritidin ilgiri bérlinde ötküzülgen özbékistan – gérmaniye soda sanaet munbiri yighinigha qatnashti.
gérmaniye iqtisad we énérgiye ishliri muawin ministiri échxar franz bilen suhrab xalmuradowning ortaq riyasetchilikide ötküzülgen munber yighinigha nurghun sanda özbékistan we gérmaniye mesulliri shundaqla soda – sanaetchiliri qatnashti.
munber yighinida, ikki dölet otturisidiki soda, iqtisad, sélinma, énérgiye, transport, yéza igiliki we bashqa saheler boyiche hemkarliqlarning tereqqiy qildurulishi muzakire qilindi.
yighindin kéyin ikki dölet shirketliri otturisida 4 milyard dollarliq layihelerning emelge ashurulishi üchün bir türküm kélishimler imzalandi.
bayanatta, ikki terep ötturisida imzalanghan kélishimlerning néfit, gaz, néfit – ximiye, énérgiye, yéza igiliki, qurulush esliheliri ishilepchiqirish we méhmanxana qurlushi layiheliri bilen ikki dölet bankiliri otturisidiki qerz mesililirinimu öz ichige alidighanliqi bildürüldi.
pirézidént shewket mirziyoyéw kéler hepte resmiy ziyaret üchün tunji qétim gérmaniyege bariridu. bu jeryanda gérmaniye shirketliri wekilliri bilenmu körüshidu.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.