nezerbayéw: qirim meslisi üchün rusiye bilen ukraina biwaste söhbet ötküzsun

türkiye awazi radiyosi xewiri: nursultan nezerbayéw 2018 – yiligha alaqidar yerlik metbuat bilen ötküzgen söhbitide, amérika, rusiye, xitay we yawrpa ittipaqi otturisida özara chüshnish we  ishench yoqluqini bildürüp, bu küchlerning bir yerge kélishi we muzakrilirining astanede ötküzülishini teklip qilghanliqini éytti.

uchrishish ornining choqum astane bolushi zorur emeslikini tekitligen nursultan nezerbayéw, bashqa yerdimu shundaq bir uchrishish ötküzüshke bolidighanliqini uqturdi.

nur sultan nezerbayéw yene, kerch bughuzidiki krizis üstidimu toxtilip, ukraina bilen rusiyeni döletler ara munasiwetlerde bashqilarning yardimini kütmeslikke, bir - biri bilen biwaste ulaqe urnitip, mesililerni muzakire qilish üstilige qaytidin olturushqa teklip qildi.

«hazar déngizida üchinchi dölet eskerliri orunlishidighan boldi» dégen xewerler üsitimu toxtilip, hazarning qanunluq salahiytining belgilinishi jehette 20 yildin buyan xizmet qiliwatqanliqini tekitlidi we bu yil attauda ötküzülgen hazar déngizi döletliri rehberler yighinida tüzülgen kélishimlerni eskertti.

nezerbayéw kélishimge «tarixi ehmiyetke ige» dep baha berdi. u mundaq dédi:

«hazar déngizi sahilliridiki 5 dölet (yeni, rusiye, qazaqistan, ezerbeyjan, türkmenistan, iran) hazarning eslide hemkarliq, dostluq we özara chüshinish déngizi ikenliki üstide kélishim hasil qilduq.  hazargha sahili tutashmaydighan héch bir döletning armiyesi u yerde turalmaydu»

pirézint nezerbayéw yene, kélishim dairiside hazarda bixeterlik meslisige alaqidar alahide bir kélishimningmu imzalanghanliqini éytti.