daésh kerküktin 19 puqrani tutup ketti
iraqning kerkük shehiride térrorluq teshkilati daésh ezaliri bir yéza bashliqinimu qoshup, jemiy 19 kishini tutup ketti.
türkiye awazi radiyosi xewiri: iraq fédératsiye saqchi qisimliri 6- etrep qomandanliqi axbarat ishliri mesuli xuseyin majid kerkük shehirining jenubidiki reshad nahiyesige qarashliq mubedded yézisigha soqunup kiriwalghan daésh ezalirining 13 puqrani tutup ketkenlikini éytti.
térrorluq teshkilati daésh ezalirining yézidin yene 3 yéza igiliki mashinisimu oghrilap ketkenlikini qeyt qilghan majid puqralarni qeyerge élip ketkenliki heqqide éniq melumat yoqluqini, biraq rayonda keng dairilik heriket bashlighanliqlirini élan qildi.
majid «térrorluq teshkilati daésh ezaliri yene reshad nahiyesige qarashliq daba el jedide yézisi bashliqi bilen uning bir dustinimu tutup ketti. térrorluq teshkilati daésh ezaliri yoshurunghan kamishliq rayonigha élip kétishken bolush éhtimali barliqini texmin qilmaqtimiz» dédi.
térrorluq teshkilati daésh ezalirining kerkükning jenubidiki dakuk nahiyesige qarashliq bara bara yézisigha qilghan hujumidimu 4 neper yéza puqrasini tutup ketkenliki we bu weqe heqqide tekshürüshlerning bashlanghanliqini bildürdi.
rayonda yoshurunghan térrorluq teshkilati daésh ezalirining yéqinqi mezgildin buyan aktip halgha kélishke bashlighanliqi, hujum qilish weqeliriningmu éshishigha bashlighanliqi shunga pat yéqinda rayonda keng kölemlik heriket bashlash pilanlanghanliqi qeyt qilindi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
