türk dunyasi kültür paytexti mueyyenleshti

türkiye awazi radiyosi xewiri: xelqara türk kültüri teshkilati «TÜRKSOY» medeniyet ministirliri daimiy kéngiishning 36 – nöwetlik yépilish yighinida, qirghizisanning osh shehirining 2019 – yilliq türk dunyasi kültür paytexti bolghanliqi élan qilindi.

medeniyet we sayahet ishliri ministiri mehmet nuri ersoy kastamonudiki tarixiy qurshunlu bazirida ötküzülgen xelqara türk kültüri teshkilati «TÜRKSOY» medeniyet ministirliri daimiy kéngiishning 36 – nöwetlik yépilish yighinida sözligen nutuqida, maslashturush wezipisini qirghizistangha ötküzüp bergenlikini bildürdi.

buningdin kéyinki yéghinning qirghizistanning osh shehiride ötküzülidighanliqini uqturghan ministir mehmet nuri ersoy: «inshaallah hemimiz u yerede birlikte bolimiz» dédi.

xelqara türk kültüri teshkilati «TÜRKSOY» ning bash katibi düshen kasénow qirghizisanning osh shehirining 2019 – yilliq türk dunyasi paytexti bolghanliqini élan qilip, hemmeylenni paaliyetke teklip qildi.

sheyx shabani weli arqiliq qirghizistanda her xil xizmetlerni élip baridighanliqini tilgha alghan kasénow: «sheyx shabani weli heqqide türk dunyasi kültür paytexti oshta chong bir konférans ötküzimiz. 2019 – yili (ataqliq xelq naxshichisi) ashiq weyselning we ezerbeyjanning ataqliq shairi imamiddin nesimining yili bolidu» dédi.

xelqara türk kültüri teshkilati «TÜRKSOY» ning resim körgezmisining échilish pirogrammisida, xelqara türk kültüri teshkilati «TÜRKSOY» medeniyet ministirliri daimiy kéngishining 36 – nöwetlik yighinida élinghan qararlar we doklatlar imzalandi.

pirogrammining axirida kastamonu waliy mehkimisi teripidin ministir ersoy bilen yighingha qatnashqan türk dunyasi wekillirige teqdirname tarqitip bérildi.

axirida yene, türkiy tillirigha qoshqan töhpisi bilen alemshumul shöhretke ige bolghan mehmut kashgheriy témiliq xelqara hékaye musabiqisida, derijige kirgenlerge mukapat tarqitip bérildi.