qazaqistan iqtisadiy tereqqiy qilmaqta
qazaqistan iqtisad ministiri timur suleymenow bu yil (2018) ning deslepki alte éyida dölet iqtisadining %4 ashqanliqini élan qildi.
türkiye awazi radiyosi xewiri: qazaqistan iqtisad ministiri timur suleymenow ministirlar kéngishi yighinida söz qildi. u 2018-yilning yanwar éyidin iyul éyighiche ichki ishlepchiqirish omumiy qimmitining %4 ashqanliqini bildürüp: «pul paxalliqi nisbitining aziyishi, meblegh sélish aktipliqi we asasiy sahelerde bolghan ijabiy dinamik iqtisadiy tereqqiyatlargha muhim tesir körsetti» dédi.
u yil (2018) ning béshida pul paxalliqi nisbitining %2.7 etrapida bolghanliqini eskertip, yilliq pul paxalliqi nisbitining % 5.9 bolghanliqini bildürdi. u 1-awghusttin bashlap qazaqistanning xelqaraliq xelqara pul zapisining 87 milyard dollargha yetkenlikini xatiriletti.
qazaqistan istatistika komitétining bayanatida, yanwardin iyul éyighiche sanaet ishlepchiqirishining ötken yilning oxshash mezgilige sélishturghanda %5.1 éship, 15 milyard 504 milyon tenggige yetkenliki qeyt qilindi.
bayanatta, bu yil (2018) ning deslepki alte éyida néfit ishlepchiqirish nisbitining ötken yilning oxshash mezgilige sélishturghanda %7.5 éship, 45 milyon tonnagha yetkenliki eskertildi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
