tajikistanda térrorluq teshkilati daésh sayahetchilerge hujum qildi
tarjikistanda wélisipit bilen sayahet qiliwatqan 4 chet ellik sayahetchi öltürülgen hujumning térrorluq teshkilati daésh teripidin élip bérilghanliqi ilgiri sürülmekte.
türkiye awazi radiyosi xewiri: tajikistan metbuatliri térrorluq teshkilati daéshning intérnéttiki paaliyetlirini közitip kéliwatqan amérika dölitige tewe «SITE Intelligence Group»ni menbe körsetken xewiride, yekshenbe küni xatlon wiliyitide wélisipit bilen sayahet qiliwatqan chet elliklerge hujum qilish weqesi yüz bergenliki we hujumning jawabkarliqini térrorluq teshkilati daéshning öz üstige alghanliqi bildürüldi.
tajikistan ichki ishlar ministiri ramizan rehimzade tünügün élan qilghan bayanatida, wqening sewebining téxi éniqlanmighanliqini bildürüp, «weqege dair, qatnash weqesi, bulangchiliq we hujum qilish qatarliq jinayet éhtimalliri bar. buningdin bashqa yene, térrorluq hujumi bolishimu mumkin» dégen idi.
tajikistanning xatlon wilayitide yekshenbe küni yüz bergen weqede, wélisipit bilen sayahet qiliwatqan chet elliklerge aptomobil bilen qilinghan we hujumda 4 kishi ölüp, 3 kishi yaridar bolghan idi.
weqedin kéyin tajikistan saqchi xadimliri teripidin élip bérilghan herikette, hujum qilghuchilardin 2 kishi étip öltürülgen we birsi yaridar halette qolgha chüshürülgen idi.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.