özbékistan yéngi wiza tüzümini ijra qilishni bashlidi
özbékistan, sayahetchilikni güllendürüsh yolidiki xizmetler dairiside 101 dölet puqrasini 5 künlük wizisiz sayahet qilish imkaniyiti we éléktironluq wiza élish pursitige ige qildi.
türkiye awazi radiyosi xewiri: özbékistan pirézidénti shewket mirziyayéwning teripidin imzalanghan «chet el puqralirining özbékistangha kirishini qolaylashturushni mezmun qilghan» qararnamide körsitilishiche, 15 – iyul (tünügün) din bashlap, tizimlikke kirgüzülgen 101 dölet puqrasi 5 kün boyiche özbékistanda wizisiz sayahet qilish we intérnét arqiliq éléktironluq wizigha iltimas qilish imkaniyitige ige bolghan.
yéngi belgilimige asaslanghanda, 16 yashtin kichik chet el puqraliri ata – anisi yaki igidarchiliq qilghuchilarning hemrahliqida 90 küngiche wizisiz turush imkaniyitige ige qilinghan.
20 dollar tölep élinidighan éléktironluq wizilar, bérilgen kündin tartip 90 küngiche küchke ige iken.
chet elliklerning muweqqet turalghusini tizimlitish mejburiyitini bikar qilghan özbékistan,
mart éyida türkiye qatarliq 7 dölet puqrasigha 30 kün boyiche wizisiz turush, 39 dölet puqrasigha qolay wiza bérish tüzümini yolgha qoyghanidi.
