ezerbeyjan armiyesi qurulghanliqining 100 – yilliqi tebriklenmekte
ezerbeyjan qoralliq qisimliri küni we ezerbeyjan armiyesi qurulghanliqining 100 – yilliqi paytext bakuning meshhur «azadliq meydani» da quruqluq, hawa we déngiz armiyelirining ishtirak qilishida ötküzülgen herbiy parat arqiliq tebriklendi.
türkiye awazi radiyosi xewiri: ezerbeyjan musteqil bolghandin buyan beshinchi qétimliqi ötküzülgen herbiy paratqa pirézidént ilham eliyéw, dölet mudapie ministiri zakir hesenow, pakistan, bélarusiye, behreyn, ereb birleshme xelipiliki, giruziye, iran, israiliye, qazaqistan, özbékistan, seudi erebistan, rusiye we ukraina qatarliq döletlerning siyasiy we herbiy dairiliri ishtirak qildi.
herbiy paratqa türkiyege wekaliten dölet mudapie ministiri nurettin janiqli bilen bash ishtab bashliqi hulusi aqar qatnashti.
ezerbeyjan pirézidénti ilham eliyéw herbiy paratta qilghan sözide, ezerbeyjan térrotériyesining bir qismining erméniyening ishghaliyiti astida ikenlikini, ezerbeyjanning nöwette urush sharaitini bashtin kechürüwatqanliqini, shunga armiyeni qudret tapquzushqa nahayiti zor ehmiyet bériwatqanliqlirini eskertish bilen bir waqitta, eng muhim wezipilirining döletning zémin pütünlükini qoghdash ikenlikini tekitlidi.
eskerlerdin kéyin ezerbeyjan armiyesige ait tankilar, bironiwiklar, bashqurulidighan bomba mudapie sistémiliri we toplar parattin ötküzüldi, jümlidin türkiyedin élinghan we rokétsan guruhi ishlepchiqarghan « SOM B1 » namliq bashqurulidighan bombilar tunji qétim parattin ötküzüldi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
