özbékstan bilen maarip saheside hemkarlishish jehette muhim qedem tashlandi
özbékstanning buxara shehirige jaylashqan mir ereb aliy medrisesi bilen türkiyening töt uniwérstéti arisida hemkarlishish kélishimi imzalandi.
türkiye awazi radiyosi xewiri: özbékstan musulmanliri diniy idarisining teklipige binaen özbékstanni ziyaret qilghan türkiye uniwérstétining bezi mudir we ilahiyatchi piroféssorliridin teshkillengen heyet, tarixiy buxara shehirini ékskursiye qildi.
özbékstan musulmanliri diniy idarisining bayanatigha asaslanghanda, ibni xaldun uniwérstéti, kastamonu uniwérstéti, marmara uniwérstéti, istanbul uniwérstéti, rejep tayyip erdoghan uniwérstéti, dijle uniwérstétining mudiri we muawin mudirliri, fakultét mudirliri we oqutquchiliridin teshkillengen heyetning özbékstanning munasiwetlik organliri bilen bolghan uchrishishlirida, maarip saheside hemkarliq ornitish muzakire qilinghan. uchrishishtin kéyin, buxaradiki mir ereb aliy medrisesi bilen türkiyening ibni xaldun uniwérstéti, istanbul sabahattin zaim uniwérstéti, kastamonu uniwérstéti we istanbul uniwérstéti otturisida hemkarliq kélishimi imzalanghan.
kélishim boyiche, terepler otturisida özara oqughuchi almashturush, ilmiy tetqiqat netijilirini tedbiqlash, oqutquchilarning bilim ashurush, bilim we ilmiy matériyallarni özara almashturush, konférans we bashqa paaliyetler emelge ashurulidiken.
türkiye heyiti semerqendte imam buxari qebrisinimu ziyaret qilghan.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
