ezerbeyjanda pirézidént saylimi bashlandi
ezerbeyjanda pirézidént saylimi üchün bélet tashlash shu jay waqti saet 8 de bashlandi.
türkiye awazi radiyosi xewiri: ezerbeyjan xelqi qaytidin namzat bolghan we nöwette wezipe ötewatqan pirézidént ilham eliyéwnimu öz ichige alghan 8 namzat arisidin, döletni kelgüsi 7 yil boyiche bashquridighan yéngi pirézidéntni saylap chiqish üchün bélet tashlimaqta.
istatiskiliq melumatlargha qarighanda, ezerbeyjanda tizimgha aldurulghan 5 milyon 309 ming saylighuchi bar bolup, saylamda awaz bérish üchün dölet ichi – sirtida 5 ming 641 bélet tashlash sanduqi qurulghan.
igilinishiche, chet elde yashawatqan ezerbeyjan puqraliri özliri turushluq döletlerdiki ezerbeyjan bash elchixanilirida qurlghan bélet tashlash sanduqlirida awaz béridiken.
saylamni 59 dölet we 60 xelqaraliq teshkilattin 890 chet ellik, 58 ming 175 yerlik közetküchi közetmekte iken. shuning bilen bir waqitta, saylamni ezerbeyjan axbarat wasitiliridin sirt yene, 21 dölettin 118 zhurnalistmu közetmekte iken, awaz bérish shu jay waqti chüshtin kéyin saet 7 de axirlishidiken.
pirézidént saylimida, yéngiz ezerbeyjan partiyesi namzati we nöwette wezipe ötewatqan pirézidént ilham eliyéwdin sirt yene, birleshme ezerbeyjan xelq aldinqi sépi partiyesi namzati qudret hesenguliyéw, sotsiyal démokratlar partiyesi namzati araz elizade, ezerbeyjan milliy oyghinish herikiti partiyesi namzati férék quliyéw, ezerbeyjan xelq aldinqi sépidiki öktichilerning namzati razi nurullayéw, zamaniwi musawat partiyesi namzati hafiz hajiyéw, musteqil namzat zahid oruch we démokrat partiyesi namzati serdar memmédow qatarliqlar riqabetleshmekte iken.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.