özbékistan bilen tajikistan özara wizisiz sayahet qilish tüzümini resmiy yolgha qoydi
özbékistan bilen tajikistan özara 30 kün boyiche wizisiz sayahet qilish tüzümini resmiy ijra qilishqa bashlidi.
türkiye awazi radiyosi xewiri: özbékistan tashqi ishlar ministirliqi bayanat élan qilip, ikki dölet pirézidéntliri teripidin 9 – martta imzalanghan «özbékistan we tajikistan puqralirining özara ziyaretlirini kapaletke ige qilish» kélishimining ijra qilinishqa bashlighanliqini uqturdi.
kélishim ikki dölet puqralirining 30 kün boyiche bir – birige wizisiz bérip kélishini mezmun qilidu.
özbékistan we tajikistan puqraliri aridin 17 yil ötkendin kéyin wizisiz sayahet qilish pursitige érishti.
mezkur kélishim özbékistan pirézidénti shewket mirziyayéwning 9-, 10 – mart künliri tajikistanda ishqa ashurghan dölet ishliri ziyariti jeryanida imzalanghanidi.
özbékistan bilen tajikistan otturisidiki uzundin buyan dawamliship kéliwatqan soghuqchiliq shewket mirziyayéwning pirézidéntliqqa saylinishidin kéyin peskuygha chüshken we munasiwetler normallishish basquchigha kirgenidi.
ikki dölet arisida su we énérgiye menbeliridin paydilinish mesilisini nuqta qilghan detalashlar 20 yildin buyan dawamliship kelmekte. terepler 2001 – yili özara wizini yolgha qoyup, 1300 kilométir uzunluqqa ige ortaq chégradiki bezi tamozhna éghizlirini taqiwetkenidi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.