özbékistan bilen qazaqistan arisida aptobus sepiri bashlidi

türkiye awazi radiyosi xewiri: özbékistan bilen qazaqistan arisida 20 yildin kéyin qaytidin aptobus sepiri bashlidi.

özbékistan aptomobil we su qatnash wastiliri idarisi tashkent bilen qazaqistanning chimkent sheherliri arisida aptobus qatnaydighanliqini uqturdi.

tunji yoluchilar bügün etigende tashkenttin yolgha chiqti.

özbékistanning «gisht köprik» we qazaqistanning «jibek yoli» chégra éghizliridin ötidighan aptobus, ikki sheher arisidiki 145 kilométirliq musapini texminen 3 saette tamamlaydu.

her ikki sheherdin her saette qozghilidighan aptobuslargha chégra éghizlirida resmiyetlerning asan béjirilidighanliqi bildürüldi.

özbékistan aptomobil we su qatnash wastiliri idarisi pat yéqinda özbékistanning semerqent, buxara we hiwe qatarliq tarixiy sheherliridinmu qazaqistangha aptobus qatnaydighanliqini uqturdi.

özbékistan bilen qazaqistan arisidiki aptobus seperliri 1997-yili toxtitiwétilgenidi.

yéqinqi mezgillerde munasiwetlirini yaxshilash yolida küch serp qiliwatqan özbékistan bilen qazaqistan, bultur tashkent we almata sheherliri arisida poyiz sepiri orunlashturghanidi.