özbékistan: stokholm hujumchisi daésh ezasi
özbékistan stokholm hujumchisining térrorluq teshkilati daésh ezasi ikenlikini jezmleshtürdi.
türkiye awazi radiyosi xewiri: özbékistan tashqi ishlar ministirliqi ötken hepte shiwétsiyening paytexti stokholmda yüz bergen hujumdin kéyin tutulup, sotliniwatqan özbékistan puqrasi 39 yashliq rehmet aqilowning daésh ezasi ikenlikini, uning ilgirimu özbékistanda térrorgha hésdashliq qilish bilen eyiblinip sotlanghanliqini, özbékistanning ilgiri shiwétsiye dairiliri bilen shérik bolghan bir gherb axbarat orginigha uning intayin xeterlik kishi ikenlikini bildürgenlikini uqturdi.
özbékistan tashqi ishlar ministiri abduleziz kamilow zorawanning 2014 – yili özbékistandin ayrilip, daéshning sépige qétilghanliqini bildürdi. 7 – aprél küni zorawanning stokholmdiki eng awat kochilardin birige jaylashqan soda sariyigha yük aptomobili bilen hujum qilishi netijiside 4 kishi qaza qilghan, 15 kishi yarilanghanidi.
shiwétsiye saqchiliri zorawanning daéshqa hésdashliq qilghan bolush éhtimali nezerde tutulup, uning ilgiri sunghan panahliq iltimasining ret qilinghanliqini jakarlighanidi.
