ahiska türkliri öy - makanlirini terk etmekte
ukrainaning sherqidiki hökümet küchliri bilen rusperes bölgünchi guruppilar otturisidiki toqunushlar tüpeyli rayonda yashawatqan 700 ge yéqin ahiska türkliri öy - makanlirini terk étishke mejbur boldi
türkiye awazi radiyosi xewiri: ahiska türkliri öy - makanlirini terk etmekte.
ukrainaning sherqidiki hökümet küchliri bilen rusperes bölgünchi guruppilar otturisidiki toqunushlar tüpeyli rayonda yashawatqan 700 ge yéqin ahiska türkliri öy - makanlirini terk étishke mejbur boldi.
ahiska türkliri weten jemiyiti donétsik wekili nebijan basatow, silawyaniskta yashashning nahayiti xewplik bolup qalghanliqini, shu wejidin ahiska türklirinimu öz ichige alghan köp sandiki kishilerning öy - makanlirini terk étip, bixeter rayonlargha köchüp ketkenlikini éytti.
basatow, «hazirghiche silawyaniskta yashap kelgen 700 ge yéqin ahiska türkliri öy - makanliridin ayrilishqa mejbur boldi. bularning köp qismi hérson, rusiyediki rostow we ezerbeyjangha köchüp ketti» dédi.
basatow, iqtisadiy qiyinchiliq tüpeyli bixeter jaylargha köchüp kételmigenlikliri üchün, silawyaniskta yashawatqan nurghunlighan ahiska türklirining yer asti öyliride qéliwatqanliqini eskertti.
silawyaniskta toqunushlarning künséri ewj élip kétiwatqanliqini qeyt qilghan basatow, «öy - makanlirini terk étip, bixeter jaylargha köchüp ketken ahiska türklirimu eng köp bolghanda 1 - 2 ay turalishi mumkin, 1 - 2 - aydin kéyin qaytishqa mejbur bolup qalidu. bu yerdiki toqunushlar bolsa pat yéqinda bésiqidighandek qilmaydu» dédi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.