تارىختىكى بۈگۈن: 28 – مارت

بۈگۈن 2020 – يىلى، 28 – مارت، شەنبە. پايتە

1939 – يىلى بۈگۈنكى كۈندە، ئىسپانىيە ئىچكى ئۇرۇشىدا پايتەخت مادرىد گېنېرال فرانكو كۈچلىرىنىڭ قولىغا ئۆتۈپ كەتتى. شۇنىڭدىن كېيىن ئۇدا 3 يىل داۋاملاشقان ئىچكى ئۇرۇش ئاخىرلاشتى، ھەمدە دۆلەتتە تاكى 1975  - يىلغىچە داۋاملىشىدىغان فرانكو دىكتاتورلۇق ھاكىمىيىتى باشلاندى.

1965 – يىلى بۈگۈنكى كۈندە، ئامېرىكا قوشما ئىشتاتلىرىنىڭ ئالاباما ئىشتاتىدا مارتىن لۇسېر كىڭ رەھبەرلىكىدىكى 25 مىڭ كىشى «پۇقرالار ھوقۇقى» ۋە «ئىرقچىلىققا قارشى تۇرۇش» ئۈچۈن يۈرۈش قىلدى.

1970 – يىلى بۈگۈنكى كۈندە، تۈركىيەنىڭ كۈتاھيا ۋىلايىتىنىڭ گەدىز  ناھىيەسىدە يەر تەۋرەش ئاپىتى يۈز بېرىپ، 1086 كىشى ھاياتىدىن ئايرىلدى، تەخمىنەن 10 مىڭ بىنا ۋەيران بولدى.

1991 – يىلى بۈگۈنكى كۈندە،  ئىراقنىڭ كەركۈك ۋىلايىتىگە قاراشلىق ئالتىنكۆپرۈ يېزىسىدا تۈركمەنلەرگە قارشى «ئالتىنكۆپرۈ قەتلىئامى» يۈز بەردى. بالىلار نىمۇ ئۆز ئىچىگە ئالغان 100 دىن ئارتۇق تۈركمەن ساددام ھۈسەيىن ھاكىمىيىتى تەرىپىدىن ئېتىپ ئۆلتۈرۈلدى.