تارىختىكى بۈگۈن: 28.10.2019
«تارىختىكى بۈگۈن» ناملىق پىروگراممىمىزنى ھۇزۇرۇڭلارغا سۇنىمىز.
بۈگۈن 2019 – يىلى 28 – ئۆكتەبىر.
1636 – يىلى 28 – ئۆكتەبىردە، ئامېرىكانىڭ تۈنجى ئۇنىۋىرسىتېتى ھاراۋارد بوستون شەھىرىدە قۇرۇلغان ئىدى.
1886 – يىلى 28 – ئۆكتەبىردە، فىرانسىيەلىكلەرنىڭ ھەدىيەسى شۇنداقلا ئامېرىكانىڭ سېمۋوللىرى قاتارىدىن بىرسى ھېسابلىنىدىغان «ئازادلىق ھەيكىلى» نىيۇ يورك دېڭىزىدىكى لىبېرتىي ئارىلىغا تېكىلگەن ئىدى.
1923 – يىلى 28 – ئۆكتەبىردە، غازى مۇستاپا كامال پاشا چانكايا سارىيىدا بەرگەن كەچلىك زىياپىتىدە بەزى پارلامېنت ئەزلىرىغا «جۇمھۇرىيەتنى ئېلان قىلىمىز» دېگەن ۋە يېڭى قۇرۇلىدىغان دۆلەتنىڭ سىياسىي تۈزۈمىنىڭ جۇمھۇرىيبەت تۈزىمى بولىدىغانلىقى ھەققىدە خۇشخەۋەر بەرگەن ئىدى. مۇساپتا كامال پاشا ۋە ئىسمەت ئىنۆنۆ دۆلەت ئاساسىي قانۇنىغا «تۈركىيە دۆلىتىنىڭ ھۆكۈمەت شەكلى جۇمھۇرىيەتتۇر» دېگەن ماددىنى كىرگۈزۈشكە كېلىشكەن ئىدى.
1928 – يىلى 28 – ئۆكتەبىردە، سېربىيە – كرودىيە ۋە سىلوۋېنىيە دۆلىتى ئوتتۇرىسىدا دوستلۇق كېلىشىمى ئىمزالانغان ئىدى.
1938 – يىلى 28 – ئۆكتەبىردە، ئەنقەرە رادىيوسى سىھھىيەدىكى تارىخىي بىناسىدا تارقىتىش باشلىغان ئىدى. جۇمھۇرىيەت قۇرۇلغانلىقىنىڭ 15 – خاتىرە يىلىغا ئۇدۇللانغان ئېچىلىشى ئۈچۈن 3 كۈن داۋاملىشىدىغان مەخسۇس تارقىتىش بېرىلگەن ئىدى.
1941 – يىلى 28 – ئۆكتەبىردە، لىتۋانىيەدە گېرمانىيە ئەسكەرلىرى 9000 دىن كۆپرەك يوھۇدىنى كاناس شەھىرى مەيدانىغا تىزىپ، ئوققا تۇتقان ئىدى.
1962 – يىلى 28 – ئۆكتەبىردە، سوۋىت ئىتتىپاقى رەھبىرى نىكاتا كىرۇشچېۋ كۇبادىكى باشقۇرۇلىدىغان بومبا بازىلىرىنى ئەمەلدىن قالدۇرىدىغانلىقىنى ئېلان قىلغان ۋە شۇنىڭ بىلەن دۇنيانى يادولۇق قورال ئۇرۇشىنىڭ بوسوغىسىغا سەرەپ كەلگەن كۇبا باشقۇرۇلىدىغان بومبا كىرىزىسى ئاخىرلاشقان ئىدى.
1984 – يىلى 28 – ئۆكتەبىردە خىتاي كوممۇنېستىك پارتىيەسى دۆلەت ئىقتىسادىنى ئوڭشاش ئۈچۈن چەكلىك ھالدا خۇسۇسىي سودا ۋە رىقابەتكە يول قويىدىغانلىقىنى ئېلان قىلغان ئىدى.
1993 – يىلى 28 – ئۆكتەبىردە، پ ك ك تېررورچىلىرى ھاككارى ئۈزۈملۈدىكى ژاندارما چېگرا مۇداپىئە ئەترىتىگە ھۇجۇم قىلغان بولۇپ، ھۇجۇم چېكىندۈرۈلگەن ۋە 57 تېررورچى ئۇجۇقتۇرۇلغان ئىدى.
1995 – يىلى 28 – ئۆكتەبىردە، ئەزەربەيجاننىڭ پايتەختى باكۇدا يۈز بەرگەن مېترو قاتناش ۋەقەىسىدە، 28 كىچىك بالىنى قوشقاندا، جەمئىي 300 كىشى ھاياتىدىن ئايرىلغان ۋە 265 كىشى يارىدار بولغان ئىدى.
2009 – يىلى 28 – ئۆكتەبىردە پاكىستاننىڭ پىشاۋۇر شەھىرىدە ئاپتوموبىل بومبا بىلەن ئېلىپ بېرىلغان ھۇجۇمدا، 105 كىشى ئۆلۈپ، 200 دىن ئارتۇق كىشى يارىدار بولغان ئىدى.
2014 – يىلى 28 – ئۆكتەبىردە، كاراماننىڭ ئەرمەنەك ناھىيەسىدىكى سۇ بېسىۋالغان كاندا، 18 ئىشچى جېنىدىن ئايرىلغان ئىدى.
مۇناسىۋەتلىك خەۋەرلەر
تارىختىكى بۈگۈن: 31 – دېكابىر
ئىلكەر تاشقىن تەرىپىدىن تەييارلانغان «تارىختىكى بۈگۈن» ناملىق پىروگراممىمىز ھۇزۇرۇڭلاردا...