تارىختىكى بۈگۈن: 27– ئۆكتەبىر

■ 1492 – يىلى  27 – ئۆكتەبىردە  كرىستوف كولومبو تۇنجى قېتىم كۇباغا قەدەم بېسىپ ئىسپانىيە نامىدىن كونتروللۇقنى قولىغا ئالدى.

■ 1806 – يىلى  27 – ئۆكتەبىردە ناپولىئون بوناپارت قوماندانلىقىدىكى فىرانسىيە ئارمىيەسى بېرلىننى قولغا كىرگۈزدى.

■ 1922 – يىلى  27 – ئۆكتەبىردە  ئىتالىيەدە بېنىتو مۇسسولىنى رەھبەرلىكىدىكى فاشىست قوراللىق كۈچلەر (قارا كۆينەكلىكلەر) ناپولىدىن روماغا قاراپ يۈرۈش باشلىدى. ئىككى كۈن ئۆتكەندىن كېيىن روماغا يېتىپ بارغان قارا كۆينەكلىكلەر بىرلەشمە ھۆكۈمەتنى ئاغدۇرۇپ تاشلاپ، ھاكىمىيەتنى تارتىۋالدى.

■ 1958 – يىلى  27 – ئۆكتەبىردە  پاكىستاننىڭ تۇنجى پىرېزىدېنتى ئىسكەندەر مىرزا، 20 كۈن ئىلگىرى ئارمىيە باش ئىشتاب باشلىقلىقى ۋەزىپىسىگە تەيىنلەنگەن گېنېرال - پولكوۋنىك ئەييۇپ خان تەرىپىدىن بىر قېتىملىق قانسىز ھەربىي – سىياسىي ئۆزگىرىش  ئارقىلىق ۋەزىپىدىن ئېلىپ تاشلاندى.

■ 1978 – يىلى  27 – ئۆكتەبىردە  نوبېل تىنچلىق مۇكاپاتى مىسىر پىرېزىدېنتى ئەنۋەر سادات بىلەن ئىسرائىلىيە باش مىنىستىرى مېناخېم بېگىنگە بېرىلدى.

■ 1982 – يىلى  27 – ئۆكتەبىردە  خىتاي خەلق جۇمھۇرىيىتى دۆلەت نوپۇسىنىڭ 1 مىلياردتىن ھالقىغانلىقىنى رەسمىي ئېلان قىلدى.

■ 1991 – يىلى  27 – ئۆكتەبىردە  تۈركمەنىستان سوۋېت ئىتتىپاقىدىن مۇستەقىل بولغانلىقىنى جاكارلىدى ۋە ئۆتكۈزۈلگەن سايلامدا سەپەرمۇرات تۈركمەنباشى تۇنجى پىرېزىدېنتلىققا سايلاندى.

■ 1992 – يىلى  27 – ئۆكتەبىردە  تۈركىيە ئارمىيەسىنىڭ خانتۇر تېغىدا باشلىغان پ ك ك  تېررورلۇق تەشكىلاتىغا زەربە بېرىش ھەرىكىتىدە 100 تېررورچى بىر تەرەپ قىلىندى.

■ 1999 – يىلى  27 – ئۆكتەبىردە  ئەرمېنىيە باش مىنىستىرى ۋازگېن ساركىسيان ۋە 8 نەپەر يۇقىرى دەرىجىلىك ئەمەلدار پارلامېنتتا يۈز بەرگەن قوراللىق ھۇجۇمدا ئۆلتۈرۈلدى.

■ 2005 – يىلى  27 – ئۆكتەبىردە  پارىژدا شىمالىي ئافرىقىلىق ئىككى مۇسۇلمان بالىنىڭ ئۆلۈمى بىلەن تەڭ زوراۋانلىق ۋەقەلىرى باشلىنىپ كەتتى. دۆلەت مىقياسىغا كېڭەيگەن ۋەقەلەردە 300 بىنا ۋە 10 مىڭ ئاپتوموبىلغا ئوت قويۇپ بېرىلدى. 3 ھەپتە داۋاملاشقان توقۇنۇشلاردا 130 ئادەم يارىلاندى.

■ 2017 – يىلى  27 – ئۆكتەبىردە  خوڭكوڭدا ياشانغانلارغا ياردەم قىلدۇرۇش مەقسىتىدە ئىشلەپچىقىرىلغان سوفىيا ئىسىملىك بىر روبوت (ماشىنا ئادەم) قا پۇقرالىق سالاھيىتى بېرىلدى. سوفىيا پۇقرالىق ھوقۇقىغا ئىگە بولغان تۇنجى روبوت سۈپىتىدە تارىخ سەھىپىلىرىدىن ئورۇن ئالدى.