تارىختىكى بۈگۈن: 24– ئۆكتەبىر

■ 1857 – يىلى  24 – ئۆكتەبىردە دۇنيانىڭ ئەڭ بۇرۇنقى پۇتبول كوماندىسى شېففىېلد ف.س ئەنگلىيەدە قۇرۇلدى. كوماندا ئەزاسى پۇتبولچىلار رەقىبى بولمىغانلىقى ئۈچۈن ئۇزۇن يىللار بويىچە ئۆزئارا پۇتبول ئويناشقا مەجبۇر بولۇپ قالدى.

■ 1882 – يىلى  24 – ئۆكتەبىردە گېرمانىيەلىك ئالىم روبېرت كوچ تۇبېركۇليوز (سىل) كېسىلى باكتېرىيەسىنى بايقىدى. بۇ بايقاش ئىنساننى ئۆلۈمنىڭ گىردابىغا ئېلىپ بارىدىغان تۇبېركۇليوز كېسەللىكىگە دورا ئىشلەپچىقىرىشنىڭ مۇمكىنلىكىنى ئوتتۇرىغا قويدى. كوچ 1905 – يىلى نوبېل فىزىيولوگىيە ۋە مېدىتسىنا مۇكاپاتىغا ئېرىشتى.

■ 1929 – يىلى  24 – ئۆكتەبىردە ئېغىر ئىقتىسادىي بوھراننىڭ ئاياغ تىۋىشلىرى ئاڭلىنىشقا باشلىدى. نيۇ يورك پاي چېكى بازىرىدا پاي چەكلەرنىڭ قىممىتى سۈرئەت بىلەن تۆۋەنلەشكە باشلىدى.

■ 1935 – يىلى  24 – ئۆكتەبىردە گېرمانىيە بىلەن ئىتتىپاقداشلىق ئورناتقان ئىتالىيە ئېفىيوپىيەنى ئىشغال قىلدى.

■ 1975 – يىلى  24 – ئۆكتەبىردە تۈركىيەنىڭ پارىژدا تۇرۇشلۇق باش ئەلچىسى ئىسمائىل ئەرەز ۋە شوپۇرى تالىپ يەنەر ئەرمەن تېررورچىلار تەرىپىدىن پارىژدىكى بىر-خاكېئىم كۆۋرۈكىدە پىستىرمىغا چۈشۈرۈلۈپ شېھىت قىلىندى.

■ 2003 – يىلى  24 – ئۆكتەبىردە فىرانسىيە  بىلەن ئەنگلىيە بىرلىشىپ ئىشلەپچىقارغان،  سۈرئىتى ئاۋازنىڭ سۈرئىتىدىن ئىككى ھەسسە تېز بولغان بىردىنبىر يولۇچىلار ئايروپىلانى كونكوردې، ئۇچۇش ھاياتىغا نيۇ يورك بىلەن لوندون ئارىسىدا ئاخىرقى قېتىم قاتناش ئارقىلىق خاتىمە بەردى.