تارىختىكى بۈگۈن: 09.03.2019

بۈگۈن 2019 – يىلى 09 – مارت

1764 – يىلى 9 – مارتتا، پادىشاھ 3 –مۇستافا تەرىپىدىن ياسىتىلغان لالەلى جامەسى ئىبادەتكە ئېچىلغان ئىدى.

1788 – يىلى 9 – مارتتا، «NGC 2841» تاياقسىز بۇرمىلىق كۆك ئارىلى بايقالدى. «NGC 2841» ئەسلىدە چوڭ ئېيىق تاقىم يۇلتۇزلىرى ئارىسىدا بايقالغان بىر بۇرمىلىق، تاياقسىز كۆك ئارىلى بولۇپ، ئاتاقلىق ئاستىرونومىيە مۇتەخەسسىسى ۋىليام ھېرسچېل تەرىپىدىن بايقالغان ئىدى.   

1814 – يىلى 9 – مارتتا ناپالىيون قىسىملىرى داۋاملىق يېڭىلىپ، ئارقىغا چېكىنىشكە باشلىغان بىر مەزگلىدە، ۋىيانا قورۇلتىيى چاقىرىلدى. ۋىيانا قۇرۇلتىيى ياۋرودىكى چېگرالارنى ۋە كۈچ تەڭپۇڭلۇقىنى قايتىدىن بەلگىلەش قارارى ماقۇللاش ئۈچۈن چاقىرىلغان قۇرۇلتاي ئىدى.

1842 – يىلى 9 – مارتتا كىيۇسىپپە ۋېردىنىڭ 3 – ئوپېرا ئەسىرى «نابۇككۇ» تۇنجى قېتىم مىلانودا سەھىنىلەشتۈرۈلدى. 

1935 – يىلى 9 – مارتتا گېتلىر يېڭى بىر ھاۋا ئارمىيەسى قۇرۇپ چىقىدىغانلىقىنى ئېلان قىلدى.

1956 – يىلى 9 – مارتتا قىبرىس رۇم تەرەپ خەلق رەھبىرى باش پوپ ماكارىئوس ئەنگلىيە تەرىپىدىن سەيشەل ئاراللىرىغا سۈرگۈن قىلىندى.

1983 – يىلى 9 – مارتتىكى بېلگىراد ھۇجۇمىدا، تۈركىيەنىڭ بېلگرادتا تۇرۇشلۇق باش ئەلچىسى غالىب بالقار، ئىككى ھۇجۇم قىلغۇچى تەرىپىدىن يارىدار قىلىندى.  باش ئەلچى 2 كۈندىن كېيىن ۋاپات بولدى. ھۇجۇمنىڭ جاۋابكارلىقىنى ئەرمەنىي تېررورلۇق تەشكىلاتى «JCAG» ۋە «ASALA» ئۆز ئۈستىگە ئالدى.